Túrkistan oblysy ákimdiginiń mańdaishasyndaǵy jazý jańa ataýǵa ózgertildi. Ákimdiktiń sharýashylyq qyzmetkerleri bul jumysty bir kún ishinde atqaryp tastady, dep habarlaidy QazAqparat tilshisi.
Sonymen Ońtústik Qazaqstan oblysynyń ákimdigi Túrkistan oblysynyń ákimdigi bolyp ózgertildi. Mundai jańalyqty qala turǵyndary uialy telefondaryna túsirip, áleýmettik jelide bólisti. Solardyń biri, shymkenttik turǵyn Iliias Joldas bul ózgeriske qatysty óz pikirin bildirgen.
«Kóz aldymyzda Ońtústik Qazaqstan oblysy óship bara jatyr. Túrkistan saraiyna qarsy turǵan ákimshilik úiiniń mańdaishasy aýysýda. Túrkistan oblysynyń ákimdigi. Bastaldy! Talailarǵa tirek bolǵan, talai elge tutqa bolǵan, qosh bol endi Ońtústik Qazaqstan oblysy! Sen tarixtyń bir emes myń bólshegisiń! 100 jyldyq ǵumyryńdy myń jarym jyldyq tarixy bar Túrkistanǵa ber!» dep jazady Iliias Joldas.
Ózge mekemeler de endi birtindep ataýyn ózgertedi dep kútilýde.
