Belgili dramatýrg, QR Memlekettik syilyǵynyń laýreaty Dýlat Isabekovtyń 80 jas mereitoiyna orai, Almaty qalasynda 13-17 qazan aralyǵynda ótken II halyqaralyq «Isabekov álemi» teatr festivalinde Túrkistan mýzykalyq drama teatry sahnalaǵan «Bórte» spektakli bas júldege ie boldy.
Bir avtordyń pesalary boiynsha ótken festivalge alys-jaqyn shetelden — úsh, Qazaqstannan úsh teatr qatysqan bolatyn. El mádenietiniń eleýli oqiǵasy bolǵan sharaǵa kelýshiler qatary kóp boldy.
Bórte – álem tarihyndaǵy uly qairatkerlerdiń biri, Shyńǵys hannyń birinshi áieli. Bórtege arnalǵan tuńǵysh shyǵarmanyń qazaq sahnasynda qoiylýy da «tuńǵysh» ekenin atap aitý kerek. Spektaklde ójet te qaisar, ajarly da aqyldy, batyr da batyl, bir basynda dramasy men tragediiasy jetip artylatyn qaisar áiel Bórte hanymnyń ǵumyry baiandalady. Qoiylym dekoratsiianyń shynailyǵymen, sahnalyq kiimderdiń tartymdylyǵymen, rekvizitterdi sheberlerdiń arnaiy daiyndaýymen erekshelenedi.
«Bórte» spektakliniń rejisseri — italiialyq Davide Livermor, kórkemdik jetekshisi – Ainur Kópbasarova, kompozitory – Hamit Shanǵaliev, ádebi redaktory – Shynar Omarova, ǵylymi keńesshi –tarihshy, t.ǵ.k., Nurlan Atyǵaev. Rólderde – Erkebulan Daiyrov, Leilo Aqnazar, Ádil Ahmetov, Qonysbek Bekaidarov, Zámzagúl Bekaidarova, Alihan Idrysheva, Nartai Saýdanbekuly, Aqbota Rahat, Áshim Ahmetov, Tolqyn Nurbekova jáne Túrkistan mýzykalyq drama teatrynyń ártisteri.
Eske sala keteiik, 13 qazan kúni atalmysh spektakl Almaty teatrynda halyqaralyq teatr festivaliniń shymyldyǵyn ashqan bolatyn.
