بەلگٸلٸ دراماتۋرگ, قر مەملەكەتتٸك سىيلىعىنىڭ لاۋرەاتى دۋلات يسابەكوۆتىڭ 80 جاس مەرەيتويىنا وراي, الماتى قالاسىندا 13-17 قازان ارالىعىندا ٶتكەن II حالىقارالىق «يسابەكوۆ ەلەمٸ» تەاتر فەستيۆالٸندە تٷركٸستان مۋزىكالىق دراما تەاترى ساحنالاعان «بٶرتە» سپەكتاكلٸ باس جٷلدەگە يە بولدى.
بٸر اۆتوردىڭ پەسالارى بويىنشا ٶتكەن فەستيۆالگە الىس-جاقىن شەتەلدەن — ٷش, قازاقستاننان ٷش تەاتر قاتىسقان بولاتىن. ەل مەدەنيەتٸنٸڭ ەلەۋلٸ وقيعاسى بولعان شاراعا كەلۋشٸلەر قاتارى كٶپ بولدى.
بٶرتە – ەلەم تاريحىنداعى ۇلى قايراتكەرلەردٸڭ بٸرٸ, شىڭعىس حاننىڭ بٸرٸنشٸ ەيەلٸ. بٶرتەگە ارنالعان تۇڭعىش شىعارمانىڭ قازاق ساحناسىندا قويىلۋى دا «تۇڭعىش» ەكەنٸن اتاپ ايتۋ كەرەك. سپەكتاكلدە ٶجەت تە قايسار, اجارلى دا اقىلدى, باتىر دا باتىل, بٸر باسىندا دراماسى مەن تراگەديياسى جەتٸپ ارتىلاتىن قايسار ەيەل بٶرتە حانىمنىڭ عۇمىرى باياندالادى. قويىلىم دەكوراتسييانىڭ شىنايلىعىمەن, ساحنالىق كيٸمدەردٸڭ تارتىمدىلىعىمەن, رەكۆيزيتتەردٸ شەبەرلەردٸڭ ارنايى دايىنداۋىمەن ەرەكشەلەنەدٸ.
«بٶرتە» سپەكتاكلٸنٸڭ رەجيسسەرٸ — يتالييالىق داۆيدە ليۆەرمور, كٶركەمدٸك جەتەكشٸسٸ – اينۇر كٶپباساروۆا, كومپوزيتورى – حاميت شانعاليەۆ, ەدەبي رەداكتورى – شىنار وماروۆا, عىلىمي كەڭەسشٸ –تاريحشى, ت.ع.ك., نۇرلان اتىعاەۆ. رٶلدەردە – ەركەبۇلان دايىروۆ, لەيلو اقنازار, ەدٸل احمەتوۆ, قونىسبەك بەكايداروۆ, زەمزاگٷل بەكايداروۆا, اليحان يدرىشەۆا, نارتاي ساۋدانبەكۇلى, اقبوتا راحات, ەشٸم احمەتوۆ, تولقىن نۇربەكوۆا جەنە تٷركٸستان مۋزىكالىق دراما تەاترىنىڭ ەرتٸستەرٸ.
ەسكە سالا كەتەيٸك, 13 قازان كٷنٸ اتالمىش سپەكتاكل الماتى تەاترىندا حالىقارالىق تەاتر فەستيۆالٸنٸڭ شىمىلدىعىن اشقان بولاتىن.
