Biyl kópbalaly jáne áleýmettik kómek alatyn otbasydan shyqqan balalarǵa QR Ulttyq qordan bólingen qarajatqa 5 myń grant taǵaiyndalyp otyr. Sonyń ishinde Túrkistan oblysyna 1345 grant bólingen, dep habarlaidy "Ult aqparat" óńir basshysynyń baspasóz qyzmetine silteme jasap.
Granttarǵa ótinimder boiynsha konkýrs 5-10 tamyz aralyǵynda ótedi. Bul týraly Túrkistan oblysy óńirlik kommýnikatsiialar qyzmetinde ótken brifingte oblystyq adami əleýetti damytý basqarmasy basshysynyń mindetin atqarýshy Ardaq Sadyqova málimdedi.
«QR Ulttyq qorynan 2019-2020 oqý jylyna arnalǵan nysanaly transfert esebinen kópbalaly jáne az qamtylǵan otbasylarynyń balalary úshin joǵary bilimdi mamandar daiarlaýǵa memlekettik bilim berý tapsyryspen joǵary oqý oryndary belgilenip otyr. Belgilengen joǵary oqý oryndarynyń ishinde «Qazaq Ulttyq agrarlyq ýniversiteti» AQ, S.Seifýllin atyndaǵy qazaq agrotehnikalyq ýniversiteti, Q.A.Iasaýi atyndaǵy halyqaralyq qazaq-túrik ýniversiteti, M.Áýezov atyndaǵy Ońtúistik Qazaqstan memlekettik ýniversiteti, Ońtústik Qazaqstan memlekettik pedagogikalyq ýniversiteti, Abai atyndaǵy Qazaq Ulttyq ýniversiteti, Qazaq memlekettik qyzdar pedagogika ýniversiteti, Syrdariia ýniversiteti, «Ońtústik Qazaqstan meditsina akademiiasy» AQ bar», – dedi A. Sadyqova.
Grant qarajaty transfert arqyly jergilikti ákimdikterge beriledi. Olar ózderiniń qajettiligin eskere otyryp, naqty mamandyqtar tizbesin anyqtap, grant beredi. Konkýrsqa qatysý úshin talapker nysanaly topqa jatqanymen qatar, ulttyq biryńǵai testiniń shekti balyn jinaýy qajet.
Qoja Ahmet Iasaýi atyndaǵy Halyqaralyq qazaq-túrik ýniversitetiniń oqý-ádistemelik isi jónindegi prorektory Ó.Úmbetovtyń aitýynsha, 2019 jylǵy maýsym aiynda ótkizilgen UBT-dan shekti ball jinaý – konkýrsqa qatysýdaǵy negizgi shart bolyp sanalady. Ulttyq joǵary oqý oryndaryna túsý úshin talapkerler testileý nátijesi boiynsha keminde 65 ball, basqa joǵary oqý oryndaryna keminde 50 ball, «pedagogikalyq ǵylym» baǵyty boiynsha oqý úshin keminde 60 ball, densaýlyq saqtaý salasy boiynsha keminde 65 ball jinaýy qajet. Jalpy, osy granttarǵa ie bolý úshin úmitkerler tamyzdyń 5-10 aralyǵyndaǵy kelesi konkýrsqa tapsyrý úshin jergilikti atqarýshy organdarǵa ótinish bere alady. Bul arada ákimdikter granttardy UBT balyna jáne grant sanyna qarai taǵaiyndaidy jáne jeńimpazdardyń tizimin jergilikti BAQ-da jariialaidy. Barlyq nysanaly grant iegerlerine ádettegidei 20 949 teńge kólemindegi shákirtaqy taǵaiyndalady. Sonymen qatar, demalys kezinde jylyna 2 ret jol ótemaqysy tólenedi.
