Oblys ákimi Ómirzaq Shókeev Túrkistanda qurylysy qarqyn alǵan birqatar nysandy aralap, eldegi tótenshe jaǵdaiǵa qatysty talaptar men saqtyq sharalarynyń qatań saqtalýyn tekserdi, dep habarlaidy "Ult aqparat" oblys ákiminiń baspasóz qyzmetine silteme jasap.
Aimaq basshysy jelilik saiabaqty kórip, qalalyq Arbatty qaita qalpyna keltirý jumystarymen tanysty. Sonymen qatar, «Kúltóbe qalashyǵy» arheologiialyq saiabaǵynda boldy. 11 gektar jerde ornalasqan jelilik saiabaqta attraktsiondar, salt- dástúrimizdi dáripteitin sáýlet óneriniń týyndylary ornalasqan.
Ómirzaq Shókeev Túrkistannyń brendine ainalatyn negizgi jobalardyń biri – «Kerýen joly» qurylysynyń basynda boldy. Qaladaǵy Bekzat Sattarhanov kóshesiniń boiynda jaiǵasqan aýqymdy saiabaqtyń abattandyrý jumysyn tekserdi. Onda jumys kestesine sáikes sýarý, drenaj júielerin júrgizý, sý burqaq ornatý, sándik sý aidyny jáne kóshetter otyrǵyzý júrip jatyr. Ashyq aspan astynda ornalasqan aýqymdy baqta ashyq bassein, sýsyz fontan qurylysy qyzý júrýde. Álemdik standarttarǵa sai salynyp jatqan bul aýmaq halyqtyń súiikti demalys ornyna ainalady.
Al, qalanyń rýhani – mádeni ortalyǵynda ornalasqan ǵylymi-ámbebap kitaphanasynda syrtqy árleý jumystary júrgizilýde. Oblys basshysy Aqtóbe óńiriniń tartýy retinde salynyp jatqan drama teatrdyń qurylysyn aralady. Atalǵan nysandy qarjylandyrýdy Túrkistan men Aqtóbe oblysy birigip júrizedi. 4 qabatty ǵimarattyń jalpy kólemi 9 700 sharshy metr. Mádeni oshaq zamanaýi úlgide, barlyq talapqa sai salynýda. 510 adamǵa arnalǵan kórermen zaly, arnaiy avtoturaq bolady.
Oblys ákimi qurylys basshylaryna jumysshylardyń saqtyq sharalaryn qatań baqylaýdy, eldegi tótenshe jaǵdaiǵa orai bekitilgen barlyq talaptardy saqtaýdy tapsyrdy. Qurylystyń báseńdemeýin mindettedi.
Qaladaǵy Q.A.Iasaýi murajaiynyń syrtqy beti qaptalyp, ishki qabyrǵalary qalanyp jatyr. Ómirzaq Shókeev sondai-aq Iasaýi kesenesiniń ainalasynda júrip jatqan aýqymdy jumys barysyn aralap kórdi. Qasietti keseneniń ainalasyn kógaldandyrý, abattandyrý jumystary aiasynda landshaf dizainyna erekshe nazar bólingen.
