Túrkistan qalasynda baǵany negizsiz kótergen saýda oryndaryna 45 nusqama berilip, qazirgi tańda 3 sýbektilerge aiyppul salyndy. Oblys ákimdigi tarapynan shekti bólshek saýda baǵalaryn negizsiz ósirmeý úshin saýda baǵalary boiynsha zańnama talaptaryn buzýdy joiý boiynsha jumystar jalǵasýda, dep habarlaidy QazAqparat.
Áleýmettik mańyzy bar azyq-túlik taýarlary baǵasynyń negizsiz ósýiniń aldyn-alý jáne baǵa belgileýiniń deldaldyq shemalaryn joiý maqsatynda, iri saýda oryndary men dúkender jáne ámbebap bazarlarmen oblys kóleminde 1098 memorandým túzilgen.
Búginde Túrkistan oblysynyń turaqtandyrý qorynda 6 myń tonnaǵa jýyq taýar bar. Úkimet qaýlysymen bekitilgen negizgi 19 túrli (un, kúrish, makaron ónimderi, kúnbaǵys maiy, kartop, sábiz, piiaz, qyryqqabat, qumsheker, as tuzy) azyq-túlik taýarlary turaqtandyrý qorynyń qoimasynda saqtaýly.
Tek Túrkistan qalasynynyń ózinde 13 áleýmettik dúken bar. Tamyz aiynan bastap oblys ortalyǵynyń bes saýda oryndarynda áleýmettik buryshtar ashylyp áleýmettik mańyzy bar taýarlar naryqtaǵy baǵadan tómen satylyp jatyr. Bul baǵyttaǵy jumystar turaqty baqylaýda jáne áleýmettik mańyzy bar azyq-túlik taýarlarynyń baǵasyn negizsiz ósirmeý boiynsha tiisti sharalar qabyldanýda. Biyl qoimany tolyqtyrý úshin 130 tonnaǵa jýyq azyq-túlik taýarlary satyp alyndy.
Sondai-aq qor arqyly qosymsha myń tonnadan astam azyq-túlik taýarlaryn satyp alýǵa memlekettik satyp alý sharalary júrgizilýde. Keler jyldyń qańtar-qyrkúiek ailaryna «Azyq-túlik kelisimshart korporatsiiasy» UK» AQ-y arqyly tonnasy 90 myń teńgeden arzandatylǵan bidai bosatylatyn bolady. Nátijesinde bólke nan baǵasy 90 teńge, I surypty bir keli unnyń baǵasy 121 teńgeni quraidy.
Oblystyq aýyl sharýashylyǵy basqarmasynyń málimetinshe, jyl sońyna deiin Túrkistan qalasynda qosymsha eki áleýmettik dúken ashý josparlanǵan.
Qaladaǵy «Eko bazar» aýmaǵynda 20-ǵa jýyq aýyl sharýashylyǵy ónimderiniń jármeńkesi uiymdastyrylyp, onda 743,9 mln. teńge somasyna 2 myń tonnaǵa jýyq taýar naryq baǵasynan 15-20 %-ǵa tómen baǵamen satylymǵa shyǵaryldy. Baǵany turaqtandyrý maqsatynda bazarlarda reidtik, monitoringtik jumystar jalǵasady.
Saýda ústemelerin 10%-nan joǵary kóterýge jol berilmeý boiynsha naqty sharalar qolǵa alynǵan.
