Túrkistan qalasynda «Aýyl» partiiasynyń «El amanaty» Jalpyulttyq saýalnama júrgizý boiynsha respýblikalyq shtaby ashyldy. Atalǵan shtab halyq arasynda «esikten esikke deiin» qaǵidatymen saýalnama toltyrý boiynsha túsindirý jumysyn júrgizip, dástúrli saýalnama júrgizý boiynsha elimizdiń barlyq óńirlerindegi volonter toptardyń jumysyn úilestiretin bolady, dep habarlaidy QazAqparat.
Respýblikalyq shtabta sondai-aq, respondentter toltyrǵan saýalnamalarǵa monitoring jasaýdy júzege asyrmaq. «El amanaty» eriktileri internetke qosylmaǵan shalǵai aýyldardy da aralap, halyqtyń muń-muqtajyn saýalnamaǵa qosady.
Aita keteiik, buǵan deiin «Aýyl» partiiasy «El amanaty» Jalpyulttyq saýalnama júrgizýdi qolǵa alyp, 18 jastan asqan belsendi azamattardan qoǵamdaǵy áleýmettik-ekonomikalyq problemalardy jinaqtaý jáne olardy sheshý joldaryn aiqyndaýdy maqsat etken bolatyn. Saýalnama 23 qyrkúiekten beri WhatsApp jáne Telegram qosymshalary men Facebook, Instagram áleýmettik jelileri arqyly tsifrlyq túrde júrgizilip, oǵan úsh myńnan asa adam jaýap bergen. Onda aýyl turǵyndary tarapynan jer, aýyz sý men áleýmettik máselelerge qatysty saýaldar men usynystar kóptep túsken.
«Bul shtabqa respýblikadan, óńir-óńirden aqparattar kelip túsedi. Aqparattardy qabyldap, qortyndylap, osy jerden saraptamasyn Astanaǵa ortalyq apparatqa jiberip otyramyz. Elektrondy saýalnamadan bólek, biz dástúrli saýalnama júrgizbekshimiz. Óitkeni keibir turǵyndardyń qolynda smartfondary joq, telefondary joq. Sondyqtan «El amanaty» aktsiiasynyń saýalnamasyn dástúrli túrde júrgizýdi qolǵa alyp otyrmyz», - deidi «El amanaty» Jalpyulttyq saýalnamasyn júrgizý boiynsha Respýblikalyq shtabynyń jetekshisi Asylhan Batyrshaev.
