تٷركٸستان قالاسىندا «اۋىل» پارتيياسىنىڭ «ەل اماناتى» جالپىۇلتتىق ساۋالناما جٷرگٸزۋ بويىنشا رەسپۋبليكالىق شتابى اشىلدى. اتالعان شتاب حالىق اراسىندا «ەسٸكتەن ەسٸككە دەيٸن» قاعيداتىمەن ساۋالناما تولتىرۋ بويىنشا تٷسٸندٸرۋ جۇمىسىن جٷرگٸزٸپ, دەستٷرلٸ ساۋالناما جٷرگٸزۋ بويىنشا ەلٸمٸزدٸڭ بارلىق ٶڭٸرلەرٸندەگٸ ۆولونتەر توپتاردىڭ جۇمىسىن ٷيلەستٸرەتٸن بولادى, دەپ حابارلايدى قازاقپارات.
رەسپۋبليكالىق شتابتا سونداي-اق, رەسپوندەنتتەر تولتىرعان ساۋالنامالارعا مونيتورينگ جاساۋدى جٷزەگە اسىرماق. «ەل اماناتى» ەرٸكتٸلەرٸ ينتەرنەتكە قوسىلماعان شالعاي اۋىلداردى دا ارالاپ, حالىقتىڭ مۇڭ-مۇقتاجىن ساۋالناماعا قوسادى.
ايتا كەتەيٸك, بۇعان دەيٸن «اۋىل» پارتيياسى «ەل اماناتى» جالپىۇلتتىق ساۋالناما جٷرگٸزۋدٸ قولعا الىپ, 18 جاستان اسقان بەلسەندٸ ازاماتتاردان قوعامداعى ەلەۋمەتتٸك-ەكونوميكالىق پروبلەمالاردى جيناقتاۋ جەنە ولاردى شەشۋ جولدارىن ايقىنداۋدى ماقسات ەتكەن بولاتىن. ساۋالناما 23 قىركٷيەكتەن بەرٸ WhatsApp جەنە Telegram قوسىمشالارى مەن Facebook, Instagram ەلەۋمەتتٸك جەلٸلەرٸ ارقىلى تسيفرلىق تٷردە جٷرگٸزٸلٸپ, وعان ٷش مىڭنان اسا ادام جاۋاپ بەرگەن. وندا اۋىل تۇرعىندارى تاراپىنان جەر, اۋىز سۋ مەن ەلەۋمەتتٸك مەسەلەلەرگە قاتىستى ساۋالدار مەن ۇسىنىستار كٶپتەپ تٷسكەن.
«بۇل شتابقا رەسپۋبليكادان, ٶڭٸر-ٶڭٸردەن اقپاراتتار كەلٸپ تٷسەدٸ. اقپاراتتاردى قابىلداپ, قورتىندىلاپ, وسى جەردەن ساراپتاماسىن استاناعا ورتالىق اپپاراتقا جٸبەرٸپ وتىرامىز. ەلەكتروندى ساۋالنامادان بٶلەك, بٸز دەستٷرلٸ ساۋالناما جٷرگٸزبەكشٸمٸز. ٶيتكەنٸ كەيبٸر تۇرعىنداردىڭ قولىندا سمارتفوندارى جوق, تەلەفوندارى جوق. سوندىقتان «ەل اماناتى» اكتسيياسىنىڭ ساۋالناماسىن دەستٷرلٸ تٷردە جٷرگٸزۋدٸ قولعا الىپ وتىرمىز», - دەيدٸ «ەل اماناتى» جالپىۇلتتىق ساۋالناماسىن جٷرگٸزۋ بويىنشا رەسپۋبليكالىق شتابىنىڭ جەتەكشٸسٸ اسىلحان باتىرشاەۆ.
