Túrkistan qalasynan Bishkekke jańa halyqaralyq aviareis ashyldy, dep habarlaidy "Ult aqparat".
QR Indýstriia jáne infraqurylymdyq damý ministrliginen málim etkendei, 31 mamyr kúni «Fly Arystan» áýe kompaniiasy túrki áleminiń mádeni astanasynan Qyrǵyzstan astanasy Bishkekke jańa halyqaralyq reisti iske qosady.
Túrkistan – Bishkek reisi A-320 áýe kemesimen aptasyna 2 ret (1, 4 kún boiynsha) oryndalady. «Máselen, búgin, 31 mamyrda oryndalatyn alǵashqy reiste Túrkistan men Bishkek qalalary arasyndaǵy ortasha kommertsiialyq júkteme 60% asady. Osylaisha, Uly Jibek jolyndaǵy týrizmdi damytý ortalyǵy retinde Túrkistan qalasyn shet memlekettermen bailanystyrý jónindegi mindet dáiekti túrde oryndalyp keledi. Reister sanitarlyq-epidemiologiialyq talaptardy qatań saqtai otyryp jáne áýe kompaniialarynyń saittarynda jariialanǵan kestege sáikes oryndalady», - dedi ministrlikten.
