QR Tuńǵysh Prezidenti kúnine orai otandyq loýkoster Fly Arystan kompaniiasynyń Túrkistan men Nur-Sultan qalalary arasyndaǵy turaqty reisi ashyldy, dep habarlaidy QazAqparat.
QR Indýstriia jáne infraqurylymdyq damý ministrliginiń Azamattyq aviatsiia komitetiniń habarlaýynsha, Nur-Sultan-Túrkistan reisine 168 bilet (93%), Túrkistan - Nur-Sultan reisine 161 bilet satylǵan.
«Túrkistan áýejaiy – táýelsiz Qazaqstanda turǵyzylǵan alǵashqy áýejai. Birinshi kezeńde Túrkistan qalasynyń jańa halyqaralyq áýejaiynan «Fly Arystan», «Qazaq Air» jáne «SCAT» áýe kompaniialary Nur-Sultan, Almaty qalalaryna kúndelikti reister oryndaidy jáne túrki áleminiń rýhani ortalyǵy retinde Túrkistan Qazaqstannyń basqa oblys ortalyqtarmen bailanysady.
Halyqaralyq baǵyttardyń ishinde eń aldymen Ystanbul, Dýbaiǵa reister ashý josparlanyp otyr. Bolashaqta qalanyń qalpyna kelýine qarai basqa qalalarǵa, onyń ishinde Máskeý, Baký, Samarqand jáne basqa qalalarǵa reister ashylatyn bolady», - dep habarlady Azamattyq aviatsiia komiteti.
Sonymen birge Túrkistan áýejaiy shetel áýe kompaniialarynyń ushýy úshin «ashyq aspan» rejiminde jumys isteidi. Bul áýejaidyń ushý geografiiasyn keńeitýge jáne sheteldik týristerdi tartýǵa yqpal etedi.
