Búgin «Amanat» partiiasy Túrkistan oblystyq máslihatyndaǵy fraktsiiasynyń kezekti májilisinde eldi mekenderdiń ózekti máseleleri qaraldy. Atap aitqanda, aýyldy jerlerge mádeniet úilerin jáne kitaphanalar salý sondai-aq kúrdeli jóndeýden ótkizý, biýdjetke ózgerister men tolyqtyrýlar engizý, oblys boiynsha jerlerge júrgizilgen túgendeý jumystarynyń barysy onyń ishinde jaiylym jer tapshylyǵy, uialy bailanys jáne internet jelisiniń sapasy, ony zerdeleý jumystarynyń qorytyndysy jóninde jalpy 4 másele talqylandy.
Jiyndy «Amanat» partiiasy Túrkistan oblystyq filialynyń Atqarýshy hatshysy, Fraktsiia jetekshisi Beisen Tájibaev júrgizip otyrdy. Májiliske oblys ákiminiń orynbasary Arman Sábitov, oblystyq máslihat hatshysy Qairat Balabiev, fraktsiia músheleri, jaýapty basqarma basshylary jáne BAQ ókilderi qatysty.
Aldymen oblystyq mádeniet basqarmasynyń basshysy Á.Qoilybaev Túrkistan oblysynyń aýdandarynda «Aýyl – el besigi» jobasy aiasynda 14 mádeniet úii men kitaphana qurylysynyń bastalǵanyn aita kele:
«Aǵymdaǵy jyldyń 8 aiynyń qorytyndysy boiynsha halyqtyń álemdik jáne otandyq mádeniet týyndylaryna qol jetimdiligin qamtamasyz etý maqsatynda óńirde irili-usaqty 22 myńǵa jýyq is-shara ótti. Biyl mamyr aiynda QR Mádeniet jáne sport ministrligi men Túrkistan oblysy ákimdiginiń uiymdastyrýymen «Rýhani qazyna – 2022» óner festivali ótip, Túrkistan oblysy 2022 jylǵy «Rýhani ólke» statýsyna ie boldy. Sondai-aq oblys aýmaǵyndaǵy kitaphanalardyń qory 35 677 jańa kitappen tolyǵyp, jalpy qor 6 mln. 31 myń danadan asty», – dedi.
Sonymen qatar, biyl memleket jáne qoǵam qairatkeri Asanbai Asqarovtyń 100 jyldyǵyna orai oblystyq ǵylymi-ámbebap «Farab» kitaphanasynda «Aqiyq azamat!» atty aptalyq ótip jatqanyn habarlady. Atalmysh shara 16 qyrkúiekke deiin jalǵasady. Shara sheńberinde ult janashyrynyń ádebietteri men baspasóz betterindegi maqalalaryna sholý jasalyp, keńinen nasihattalmaq.
Májilis barysynda oblystyq jer qatynastary basqarmasynyń basshysy E.Tilegenniń baiandamasy tyńdalyp, fraktsiia músheleri eldi mekenderdi ortaq jaiylymmen qamtamasyz etý maqsatynda atqarylyp jatqan jumystardyń barysymen tanysty. Ótken 2021 jyly jerlerdi qaitarýdaǵy negizgi basymdyq jaiylym óte tapshy 133 eldi mekenge berilgen. Atqarylǵan jumystardyń nátijesinde 135 myń gektar jaiylym jer aýyl ákimshilikteriniń teńgerilimine bekitilgen. Fraktsiia jetekshisiniń aitýynsha jaiylym jerlerdi keńeitý jáne olardy qaitarý maqsatynda oblystyq partiia filialy janyndaǵy «Jer Amanaty» komissiiasy jáne jaýapty oryndarmen birlesip óńirde ortaq jaiylym kólemin 1012,0 myń gektarǵa jetkizý josparlanýda. Eki baǵytta atqarylǵan jumystardyń nátijesinde ázirge 521,3 myń gektar jer memleket menshigine qaitarylǵan.
Al, oblystyq tsifrlandyrý, memlekettik qyzmetter kórsetý jáne arhivter basqarmasynyń basshysy E.Ótebaev óz baiandamasynda biyl aimaqtaǵy 152 eldi mekendegi mobildi internet sapasyn arttyrý maqsatynda bazalyq stantsiia iske qosý josparymen bólisti. Qazirdiń ózinde 51 eldi mekenge jańa bazalyq stantsiia iske qosylǵan. Qalǵan 101 aýyldaǵy internet sapasyn arttyrý jumystary jyl sońyna deiin aiaqtalmaq. Degenmen, fraktsiia músheleri oblys aýmaǵyndaǵy, ásirese qala syrtyndaǵy internet sapasy syn kótermeitinin bildirip, osy baǵyttaǵy jumystardy kúsheitýdi usyndy. Sondai-aq oblystyq strategiia jáne ekonomikalyq damý basqarmasynyń basshysy Q.Qaiypbek te atqarylyp jatqan jumystardy baiandap, jiyn qatysýshylarynyń suraqtaryna jaýap berdi. Fraktsiia májilisinde qaralǵan máseleler, kóterilgen saýaldar boiynsha qaýly qabyldanyp, sessiianyń qaraýyna usynyldy.
