Slavian jazýy men mádenietikúnine orai Qazaqstan Respýblikasy Mádeniet jáne sport ministrliginiń Tilderdi damytý jáne qoǵamdyq-saiasi jumys komiteti men «Shaisultan Shaiahmetov atyndaǵy tilderdi damytýdyń respýblikalyq úilestirý-ádistemelik ortalyǵy» AQ-nyń uiymdastyrýymen «Túrki-slaviandyq qarym-qatynas: til, tarih, mádeniet» taqyrybynda halyqaralyq ǵylymi-praktikalyq konferentsiia ótti.
Qazaqstan etnomádeni keńistigindegi slavian tilderiniń alýan qyrly qyzmeti men olardy saqtap qalý máseleleri jóninde pikir almasý, orys jáne ózge de slavian tilderin oqytý baǵytyndaǵy jinaqtalǵan tájiribelermen almasý, ǵasyrlar toǵysyndaǵy slavian jáne túrki halyqtarynyń ózara tyǵyz qarym-qatynastarynyń joldary men qundylyqtaryn talqylaýdy maqsat etken basqosýda slaviantaný, túrkitaný, tildik qatynas, aýdarmataný, ádebiettaný salalaryndaǵy belgili ǵalymdar baiandama jasady.
Konferentsiiaǵa Qazaqstan halqy Assambleiasynyń músheleri men Mádeniet jáne sport ministrligi ókilderi, Qazaqstan Respýblikasyndaǵy diplomatiialyq tulǵalar – slavian memleketteri elshilikteriniń qyzmetkerleri (QR Resei Federatsiiasynyń elshiligi,QR Belarýs Respýblikasynyń elshiligi, QR Bolgariia Respýblikasynyń elshiligi jáne t.b.), QR Prezidenti janyndaǵy RMÝ «Qoǵamdyq kelisim», QR Resei yntymaqtastyq ókildigi, Qazaqstan men Resei joǵary oqý oryndarynyń ǵalymdary, oqytýshylary, mektep muǵalimderi, oqýshylar, stýdentter, magistranttar men doktoranttar, etnomádeni birlestikter, etnoaǵartýshylyq mektepter men BAQ ókilderi qatysty.
Konferentsiia aiasynda slavian filologiiasy jáne tildik qatynastar boiynsha ǵylymi, oqý-ádistemelik ádebietter kórmesi uiymdastyrylady.
Aýqymdy shara M.Gorkii atyndaǵy Memlekettik akademiialyq orys drama teatrynda slavian jazýy men mádenieti kúnine arnalǵan merekelik kontsertpen jalǵasty.
