Ózbekstan astanasynda Túrki keńesiniń jastar jáne sport isteri ministrleriniń 5-shi otyrysy ótti, dep habarlaidy "Ult aqparat" Aqparat jáne qoǵamdyq damý ministrliginiń baspasóz qyzmetine silteme jasap.
Otyrys aiasynda ministrler Túrki keńesiniń IDEA jas kásipkerleriniń 1-shi forýmynyń ashylý rásimine qatysty.
Qazaqstandyq delegatsiiany QR Aqparat jáne qoǵamdyq damý ministri Aida Balaeva bastady.
Óz sózinde Aida Balaeva Túrki Keńesiniń qatysýshylaryn jahandyq pandemiia týdyrǵan syn-tegeýrinderge qarsy turý úshin jastarmen jumystyń jańa quraldaryn izdeýge shaqyrdy.
«Majarstandy qosa eseptegende Keńeske múshe memleketterdiń halyq sany 150 million adamdy quraidy eken. Sonyń 30 milliony jastar. Bul – túrki álemi kelesheginiń zor áleýetiniń dáleli. Jastar – bizdiń bolashaǵymyz dep biz únemi aityp kelemiz», — dep atap ótti ol.
Bul rette, jastar saiasaty salasyndaǵy ortaq jumystardyń nátijeli bolýy úshin Ministr Túrki keńesiniń qatysýshylaryna jeti baǵytta birlesken usynymdar jasady.
«Jastar saiasaty salasynda yntymaqtastyqty nyǵaitýdyń mańyzy zor. Bizdiń Memleket basshylary bul baǵytta naqty baǵdardy kórsetip, barlyq jaǵdaidy jasap berip otyr. Bizdiń mindetimiz osy múmkindikti barynsha tolyq paidalaný. Qazaqstan Respýblikasynyń Aqparat jáne qoǵamdyq damý ministrligi tájiribe almasyp, bilgenimen bólisýge, baiandy bastamalarǵa qoldaý kórsetip, ortaq jobalarǵa belsendi qatysýǵa qashanda daiyn», — dedi A.Balaeva.
Oǵan qosa, otyrys jumysy aiasynda ministr Aida Balaeva Túrik Respýblikasynyń Jastar jáne sport ministri Mehmet Mýharrem Kasapoǵlýmen jáne Ózbekstan Respýblikasynyń Jastar isteri Agenttiginiń direktory Alisher Sadýllaevpen kezdesýler ótkizdi.
Sonymen qatar, Túrki keńesine qatysýshy memleketterdiń ministrleri Túrkitildes memleketterdiń yntymaqtastyq keńesi sheńberinde IDEA jas kásipkerleriniń 1-shi Jastar forýmynyń ashylýyna qatysty.
Qazaqstandyq jas biznesmender 6 sessiiaǵa qatysty: agrobiznes, IT-startap, týrizm, jeńil ónerkásip, tamaq ónerkásibi, marketing.
Esterińizge sala keteiik, Ministrler otyrysy Túrki keńesine qatysýshy elderdiń jastar saiasaty, bilim berý jáne sport salasyndaǵy yntymaqtastyǵyn keńeitýge bailanysty birqatar máselelerdi sheshýge yqpal etýge baǵyttalǵan.
