20 mamyrda Ystanbul qalasynda Túrkiia Respýblikasynyń Prezidenti Rejep Taiyp Erdoǵan Túrki keńesiniń Bas hatshysy Baǵdad Ámireevti qabyldady, dep habarlaidy "Ult aqparat" Túrki keńesi Hatshylyǵyna silteme jasap.
Bas hatshy Baǵdad Ámireev Túrki keńesiniń júrgizip jatqan jumysy men 2019 jyly 3 qazanda Ázerbaijanda ótetin jáne Nahchyvan kelisimine qol qoiylýynyń 10 jyldyǵyn atap ótetin Túrki keńesiniń 7-shi sammitine daiyndyq barysy men sammit aiasynda uiymdastyrylatyn is-sharalar týraly habarlady.
Baǵdad Ámireev Túrkiianyń Túrki keńesi múshe memleketteriniń barlyq salalarynda jan-jaqty yntymaqtastyqqa qosqan úlesi men belsendi qatysýy úshin, sondai-aq keńestiń jumysyna úzdiksiz qoldaý kórsetkeni úshin Rejep Taiyp Erdoǵanǵa alǵysyn bildirdi.
Bas hatshy Baǵdad Ámireev jaqynda qurylǵan Ortaq Túrki saýda-ónerkásip palatasy týraly jáne Ortaq investitsiialyq qor qurýǵa bailanysty sońǵy ózgerister týraly baiandady. Ámireev budan bólek Erdoǵanǵa Býdapesht qalasynda Túrki keńesiniń ókildigin ashý, keńeske múshe emes eldermen jáne halyqaralyq uiymdarmen qarym-qatynastar, sondai-aq Túrki keńesiniń ońtailaý jáne reformalaý ýderisi týraly habarlady.
Túrkiia árdaiym Túrki álemine basymdyq beretinin atap ótken Prezident Erdoǵan, Túrki keńesiniń bastamalary men jumystaryna jáne 2018 jyly qyrkúiek aiynda Cholpon-Ata qalasynda ótken Túrki keńesiniń sammitinde qabyldanǵan sheshimderdiń oryndalýyna rizashylyq bildirdi.
Túrkiia Prezidenti Túrki keńesiniń bastamalary men jumystary, baýyrlas túrkitildes memlekettermen jáne basqa da múshe emes eldermen qarym-qatynastardy damytý, sondai-aq basqa da halyqaralyq uiymdarmen yntymaqtastyqty keńeitý, onyń ishinde Islam Yntymaqtastyǵy Uiymyna (IYU) baqylaýshy mártebesine ie bolýyna kórsetken tolyqqandy qoldaýdyń odan ári jalǵasatynyna senim bildirdi.
Erdoǵan Túrki keńesi, TúrkPA, TÚRKSOI, Túrki akademiiasy, Túrki mádenieti men murasy qory siiaqty Túrki yntymaqtastyq uiymdarynyń reformalaý úderisine qatysty pikirin bildirdi.
Aita keterligi, kezdesýge Túrki keńesi Bas hatshysynyń orynbasary Omer Kodjaman men Joba direktory Ali Chiviller de qatysty.
