Qazaqstan Respýblikasy Premer-Ministriniń orynbasary – Syrtqy ister ministri Muhtar Tileýberdi Túrkitildes memleketter yntymaqtastyǵy Keńesiniń Aýǵanstandaǵy ahýal jónindegi Syrtqy ister ministrleri keńesiniń kezekten tys otyrysyna qatysty, dep habarlaidy "Ult aqparat" SIM baspasóz qyzmetine silteme jasap.
Qatysýshylar óńirlik qaýipsizdik jáne aýǵan kún tártibindegi is-qimyldardy úilestirý máseleleri boiynsha pikir almasty.
Óz sózinde Muhtar Tileýberdi Qazaqstannyń Aýǵanstanǵa kómek kórsetýde túrki elderimen yntymaqtasýǵa daiyn ekenin málimdedi. "Qazaqstan Aýǵanstandaǵy jaǵdaidy turaqtandyrý boiynsha halyqaralyq kúsh-jigerge, birinshi kezekte gýmanitarlyq salada jáne BUU-nyń ortalyq úilestirý rólinde óz úlesin qosýdy jalǵastyrýda", - dedi Qazaqstan SIM basshysy. Osyǵan bailanysty ol Qazaqstannyń BUU qurylymdary arqyly Aýǵanstanǵa kómek kórsetýge BUU tarapynan qoldaý tapqanyn erekshe atap ótti.
Taraptar terrorizmniń taralý, qarý-jaraq pen esirtkiniń zańsyz ainalymy, zańsyz kóshi-qon jáne bosqyndar legi táýekelderin eskere otyryp, jaǵdaidyń odan ári damýyna monitoring júrgizý qajettigin atap ótti.
Konferentsiia qorytyndysy boiynsha Birlesken málimdeme qabyldanyp, onda taraptar Aýǵan máselesin halyqaralyq gýmanitarlyq quqyqty saqtai otyryp saiasi retteýdiń mańyzdylyǵyn jáne Aýǵanstanǵa beibitshilikke, ulttyq kelisimge, turaqtylyq pen damýǵa qol jetkizýge kómektesýge daiyn ekendigin rastady.
