Túrki keńesi elderiniń Damý bankin quratyn kez keldi. Bul týraly Túrki tildes memleketterdiń yntymaqtastyq keńesiniń beiresmi sammiti barysynda Ózbekstan Prezidenti Shavkat Mirziioev aitty, dep habarlaidy QazAqparat.
«Damýdyń jańa dáýirinde biz kez kelgen syn-tegeýringe daiyn bolýymyz, áleýetimizdi birlese otyryp qoldanýymyz kerek. Sonymen qatar osy jyldardyń ishindegi basty maqsatymyz ekonomikalyq qarym-qatynasymyzdy nyǵaitý boldy. Degenmen ol naqty qujattarǵa negizdelýi tiis», - dedi Ózbekstan Prezidenti.
Sonymen qatar ol Túrki keńesiniń investitsiialyq qoryn qurý qajettigin atap ótti.
«Túrki keńesi óziniń investitsiialyq qoryn jasaqtap, Damý bankin ashatyn ýaqyt keldi. Osyǵan qatysty naqty jumystardy bastaýǵa daiynbyz. Munan bólek, kólik-tranzit áleýetimizdi damytýdyń mańyzdylyǵy artyp keledi. Oǵan óńirimizdiń barlyq múmkindigi de,áleýeti de bar. Iaǵni, Ortalyq Aziia arqyly Qytai, Úndistan, Pákistan syndy álemdik naryqqa shyǵar jol ashýymyz qajet. Al Ázerbaijan men Túrkiia arqyly Eýropa elderine shyǵa alar edik. Al bul infraqurylymdyq jobalardy qajet etedi», - dedi Shavkat Mirziioev.
