تٷركٸ كەڭەسٸ ەلدەرٸنٸڭ دامۋ بانكٸن قۇراتىن كەز كەلدٸ. بۇل تۋرالى تٷركٸ تٸلدەس مەملەكەتتەردٸڭ ىنتىماقتاستىق كەڭەسٸنٸڭ بەيرەسمي سامميتٸ بارىسىندا ٶزبەكستان پرەزيدەنتٸ شاۆكات ميرزييوەۆ ايتتى, دەپ حابارلايدى قازاقپارات.
«دامۋدىڭ جاڭا دەۋٸرٸندە بٸز كەز كەلگەن سىن-تەگەۋرٸنگە دايىن بولۋىمىز, ەلەۋەتٸمٸزدٸ بٸرلەسە وتىرىپ قولدانۋىمىز كەرەك. سونىمەن قاتار وسى جىلداردىڭ ٸشٸندەگٸ باستى ماقساتىمىز ەكونوميكالىق قارىم-قاتىناسىمىزدى نىعايتۋ بولدى. دەگەنمەن ول ناقتى قۇجاتتارعا نەگٸزدەلۋٸ تيٸس», - دەدٸ ٶزبەكستان پرەزيدەنتٸ.
سونىمەن قاتار ول تٷركٸ كەڭەسٸنٸڭ ينۆەستيتسييالىق قورىن قۇرۋ قاجەتتٸگٸن اتاپ ٶتتٸ.
«تٷركٸ كەڭەسٸ ٶزٸنٸڭ ينۆەستيتسييالىق قورىن جاساقتاپ, دامۋ بانكٸن اشاتىن ۋاقىت كەلدٸ. وسىعان قاتىستى ناقتى جۇمىستاردى باستاۋعا دايىنبىز. مۇنان بٶلەك, كٶلٸك-ترانزيت ەلەۋەتٸمٸزدٸ دامىتۋدىڭ ماڭىزدىلىعى ارتىپ كەلەدٸ. وعان ٶڭٸرٸمٸزدٸڭ بارلىق مٷمكٸندٸگٸ دە,ەلەۋەتٸ دە بار. ياعني, ورتالىق ازييا ارقىلى قىتاي, ٷندٸستان, پەكٸستان سىندى ەلەمدٸك نارىققا شىعار جول اشۋىمىز قاجەت. ال ەزەربايجان مەن تٷركييا ارقىلى ەۋروپا ەلدەرٸنە شىعا الار ەدٸك. ال بۇل ينفراقۇرىلىمدىق جوبالاردى قاجەت ەتەدٸ», - دەدٸ شاۆكات ميرزييوەۆ.
