Astanada Halyqaralyq Túrki akademiiasynda (TWESCO) Túrkiia Respýblikasynyń 95 jyldyǵy atalyp ótti, dep habarlaidy QazAqparat tilshisi.
Merekelik sharaǵa birqatar memleketterdiń elshileri, TWESCO-ǵa quryltaishy elderdiń ókilderi, túrkologtar qatysty.
«Túrkiia halqyn búgingi ulttyq merekesimen, Respýblika kúnimen quttyqtaimyn. Kezinde Mustafa Shoqai Túrkiiaǵa barǵanda óz maqalasynda «Túrki kindiginen taraǵan árbir azamattyń eki otany bar, onyń biri - kindik qany tamǵan týǵan jeri bolsa, ekinshi otany - Túrkiia» dep jazǵan eken. Shyn máninde qurylǵanyna 95 jyl tolyp otyrǵan Túrkiia Respýblikasy árbir túrki násilinen týǵan azamattyń ekinshi otany ispetti qyzmet atqardy. Bizdiń Halyqaralyq Túrki akademiiasynyń quryltaishylarynyń biri», - dedi Halyqaralyq Túrki akademiiasynyń prezidenti Darhan Qydyráli óziniń quttyqtaý sózinde.
Sonymen birge, akademiia basshysy jaqynda mańyzdy sheshim qabyldaǵandaryn jetkizdi.
«Akademiianyń quryltaishy memleketteriniń barlyq memlekettik merekeleri men ataýly kúnderin Túrki akademiiasynda joǵary deńgeide atap ótýdi uiǵardyq», - dedi Darhan Qydyráli.
Óz kezeginde Túrkiianyń Qazaqstan Respýblikasyndaǵy Tótenshe jáne Ókiletti Elshisi Nevzat Ýianyk Qazaqstan jurtshylyǵy men Halyqaralyq Túrki akademiiasyna alǵys bildirdi.
«Atajurtymyz Qazaqstanda Respýblika kúnimizdi toilaý biz úshin maqtanysh. Túrkiia Respýblikasy Birinshi dúniejúzilik soǵystan keiin Osman imperiiasynyń quldyraýymen qurylǵan bolatyn. Baýyrlas Qazaqstannyń astanasynda, Halyqaralyq Túrki akademisiasynda bas qosqanymyzǵa kýanyshtymyn. Búgingi mereke Túrkiiada da saltanatty túrde toilanyp jatyr. Eki el arasynda baýyrlastyq pen dostyq, ásirese memleket basshylary arasyndaǵy jyly qarym-qatynas dostyǵymyzdyń odan ári damýyna áser etip jatyr. Táýelsizdigimiz, dostyǵymyz jáne baýyrlastyǵymyz máńgilik bolǵai», - dedi Túrkiia elshisi.
Sonymen birge, sharaǵa kelgen Ázerbaijan Respýblikasynyń Qazaqstandaǵy Tótenshe jáne Ókiletti Elshisi Rashad Mamedov jáne Mońǵoliianyń Qazaqstandaǵy Tótenshe jáne Ókiletti Elshisi Lývsan Battýlga Túrkiia elshisin quttyqtap, óz lebizderin bildirdi.
Aita keteiik, 1920 jyly 23 sáýirde grek-túrik soǵysy kezinde qurylǵan Uly ulttyq jinalys Túrkiiany Respýblika retinde jariialaǵan bolatyn. Alaida, respýblika 1923 jyldyń 29 qazanynda ǵana resmi túrde moiyndaldy.
Túrkiia - Ońtústik-Shyǵys Eýropa men Ońtústik-Batys Aziiada ornalasqan memleket. Soltústik-batysynda Bolgariia, Grekiiamen, soltústik-shyǵysynda Grýziia, Armeniiamen, shyǵysynda Iranmen, ońtústiginde Irak, Siriiamen, sondai-aq soltústiginde Qara teńizben, soltústik-batysynda Mármár teńizimen, ońtústiginde Jerorta teńizimen, batysynda Egei teńizimen shektesedi.
