Foto ashyq aqparat kózderinen alyndy
QR Týrizm jáne sport ministrligi «Qazaqstan Respýblikasynyń keibir zańnamalyq aktilerine dene shynyqtyrý jáne sport, sondai-aq normalardyń artyq (shamadan tys) zańnamalyq reglamenttelýin bolǵyzbaý máseleleri boiynsha ózgerister men tolyqtyrýlar engizý týraly» zań jobasyn ázirledi. Bul týraly QR Týrizm jáne sport ministrligi habarlaidy.⠀
Qujatta elimizdiń sport salasynda jańa irikteý júiesin engizý qarastyrylǵan. Zań jobasyna sáikes, basym sport túrleri olardyń álemdik reitingteri negizinde emes, Olimpiada, Paralimpiada, Sýrdlimpia, Aziia jáne Para Aziia oiyndarynda ulttyq qurama komandalarynyń kórsetken nátijeleri boiynsha irikteletin bolady.
⠀
Bul ózgeris Qazaqstannyń sporttyq quramalaryn daiyndaýdaǵy basymdyqtardy naqtylaidy jáne halyqaralyq deńgeidegi nátijelerge negizdelgen júieni qalyptastyrýǵa múmkindik beredi. Osylaisha, elimizdiń sportshylaryn halyqaralyq arenalarda básekege qabiletti etý úshin naqty jáne nátijege baǵyttalǵan saiasat júzege asyrylmaq.
⠀
«Bul zań jobasy sport salasyndaǵy jańashyldyqtardy engizýdi, tiimdilikti arttyrýdy jáne Qazaqstannyń sporttyq quramasynyń halyqaralyq jarystarda joǵary nátijeler kórsetýin qamtamasyz etýge baǵyttalǵan. Biz Olimpiada, Paralimpiada, Sýrdlimpia, Aziia jáne Para Aziia oiyndaryndaǵy nátijelerdi basty baǵdar retinde alyp, elimizdiń sport salasyn jańa deńgeige kóterýdi kózdep otyrmyz», – dep atap ótti Týrizm jáne sport ministri Erbol Myrzabosynov.⠀
Zań jobasynyń qabyldanýy sportty damytý júiesin jetildirip, Qazaqstannyń álemdik sport arenada ozyq jetistikterge qol jetkizýin qamtamasyz etedi.
