QR Aýyl sharýashylyǵy ministrliginiń Agroónerkásip keshinindegi memlekettik inspektsiia komiteti 7 maýsymynan bastap Túrikmenstan aýmaǵynan qyzanaq pen burysh ónimderin ákelýge tyiym salyp, ýaqytsha karantindik fitosanitariialyq sharalardy engizdi, dep habarlaidy ministrliktiń baspasóz qyzmeti.
Bul – qyzanaq pen buryshtan karantindik organizmderdiń anyqtalý jaǵdailarynyń jiileýine bailanysty engizilgen sharalar.
Túrikmenstannyń ósimdikter karantini jónindegi memlekettik qyzmetiniń fitosanitariialyq sertifikattarynyń súiemeldeýimen Qazaqstanǵa jetkiziletin qyzanaqtarǵa karantindik fitosanitariialyq baqylaý júrgizý kezinde «qońyr ájim» virýsynyń (Tomato brown rugose fruit virus (ToBRFV) 19 deregi anyqtaldy.
ISPM № 13 «Sáikessizdik jáne shuǵyl áreket etý týraly notifikatsiialaý nusqaýlyǵy» fitosanitariialyq sharalar jónindegi halyqaralyq standarttyń erejesine sáikes (Rim, 2002), Túrikmenstannyń ósimdikter karantini jónindegi memlekettik qyzmetiniń atyna karantindik fitosanitariialyq talaptardyń buzylýy týraly notifikatsiialar jiberildi.
Kórshi respýblikanyń ýákiletti organdarynyń eksporttalatyn ónimde virýstyń paida bolý sebepterin tekserý týraly obektivti derekteriniń bolmaýyna bailanysty jáne Qazaqstan aýmaǵyndaǵy karantindik fitosanitariialyq ahýaldy ýshyqtyryp almaý maqsatynda Komitet 2021 jyldyń 7 maýsymnan bastap Túrikmenstannan qyzanaq pen burysh ákelýge ýaqytsha tyiym saldy.
Jalpy, ósimdikter karantini salasynda jyl basynan beri Qazaqstan Respýblikasynyń aýmaǵyna karantinge jatqyzylǵan ónimdi ákelýge qatysty 1300-den astam zań buzýshylyq anyqtaldy. Karantindik fitosanitariialyq talaptardy buzyp, karantinge jatqyzylǵan 11 myń tonna ónimdi jetkizbek bolǵandardyń joly kesildi. Qazaqstanǵa jetkiziletin ónimnen karantindik obektiler tabylǵan 155 jaǵdai tirkeldi. Tártip buzǵandar ákimshilik jaýapkershilikke tartylyp, 56 mln teńgeden asatam somada aiyppul tóledi.
