Prezident Qasym-Jomart Toqaevtyń Túrikmenstanǵa memlekettik sapary barysynda osy eldiń kóshbasshysy Gýrbangýly Berdimuhamedov Ashhabadta qazaqtyń uly aqyny Abai Qunanbaiulyn ulyqtaýǵa usynys jasady, - dep habarlaidy "Ult aqparat".
Bul týraly Prezidenttiń baspasóz hatshysy Berik Ýáli Facebook-tegi paraqshasynda habarlady.
«Prezident Qasym-Jomart Toqaevtyń Túrikmenstanǵa memlekettik sapary barysynda osy eldiń kóshbasshysy Gýrbangýly Berdimuhamedov Ashhabadta qazaqtyń uly aqyny Abai Qunanbaiulyn ulyqtaýǵa usynys jasady.
Túrikmenstan Prezidentiniń pikirinshe, Abaidyń músini eki halyqtyń joǵary adamgershilikke negizdelgen rýhani baǵdaryn, sondai-aq elderimiz arasyndaǵy dostyq pen yntymaqtastyqtyń shynaiy kórinisin aiǵaqtaidy», - dep jazdy ol.
Qasym-Jomart Toqaev bul bastamany tolyq qoldap, rizashylyǵyn bildirgen.
«Abaidyń qasietti túrikmen jerinde ulyqtalýy – barsha qazaq halqy úshin aqjoltai jańalyq», – dedi Qazaqstan Prezidenti.
Eske salaiyq, 24-25 qazanda Qazaqstan Prezidenti Qasym-Jomart Toqaev Túrikmenstan Prezidenti Gýrbangýly Berdimuhamedovtiń shaqyrýy boiynsha memlekettik saparmen Ashhabadqa bardy. Shaǵyn quramdaǵy kelissózden keiin, keńeitilgen formatta ekijaqty kelissózder ótti. Keiin qos memlekettiń basshylary BAQ ókilderi úshin brifing ótkizdi.
