«Eger meniń júregimdi ashyp kórseńizder, mýzykany kórer edińizder. Miymdy ashsańyzdar da, mýzykany kóresizder. Men mýzykadan jaralǵanmyn. Men jai ǵana eńbekqor adammyn» degen edi Dimash bir suhbatynda.
Túriktiń BAYAN YANI jýrnaly Dimash jaily maqala jariialady, – dep habarlaidy stan.kz.
«Adam múmkindiginen tys tehnikany igergen bir-aq adam bar, ol – Dimash. Pop-mýzykada da, ózge janrda da ózin moiyndatqan ánshiler jeterlik. Ne degenmen qazirgi ánshiliginen ótirikshiligi basym, fonogrammamen uialmai án aityp turmyn dep oilaityndardyń, aspapty ustap alyp durys notaǵa túse almai turatyn jalǵan aspapshylardyń, bet-aýzyn jybyrlatyp qana án aitatyndardyń zamanynda Dimash án álemine erekshe qubylys bolyp keldi. Ol ánshiliktiń qandai bolatynyn kórsetti.
Dimashtyń daýys diapazony 6 oktovany ustai alady. Tómen notadan joǵaryǵa birden sekire alady. Bir ýaqytta eki adamnyń daýsyn sala alady. Ony kórmei tyńdaǵan adam eki adam án salyp turǵanyna kámil sener edi.
Onyń darynynan bólek, qajymas eńbekqorlyǵy da bar. 7 aspapta oinap úirenip, jan tánimen mýzykany boiyna sińirip ósken.
Bir jobada baqtalasy onyń sýyna uiyqtatatyn dári de salyp jiberipti (Belorýssiiadaǵy «Slavian bazary» halyqaralyq báigesinde – avt). Bul týraly Dimashtyń ózi aitady. «Mikrofondy qatty qysyp aldym. Búkil kúshimdi osylai jinap, ándi sońyna áreń jetkizdim» – deidi ol.
Dimashtyń án álemine kelýi qur shyńǵyrý men naǵyz daýystyń ara-jigin ajyratyp berdi. Mikrofondy ustap bosqa shyńǵyratyndar úshin sabaq boldy. Sondyqtan ǵajaiyp daýys iesi Dimashty qazirgi zamannyń fenomeni deýge bolady», – dep jazady túrik jýrnaly.
