Túrkiialyq «Femas Metal Sanayi ve Ticaret A.S.» kompaniiasy Qarasai aýdanynyń aýmaǵynda gaz jáne elektr plitalaryn shyǵaratyn jańa kásiporyn ashýǵa nietti, dep habarlaidy "Ult aqparat".
Osyǵan bailanysty Almaty oblysynyń ákimi Amandyq Batalov Almaty qalasynda túrkiialyq investorlarmen kezdesti.
Qonaqtardy jyly qarsy alǵan Amandyq Batalov jobany tanystyrý úshin aldymen «Femas Metal Sanayi ve Ticaret A.S.» kompaniiasynyń bas direktory Iýsýp Úgenge sóz berdi. Túrkiialyq ókil óz kompaniialarynyń jumysy týraly qysqasha baiandap ótti. Onyń aitýynsha, kompaniiaǵa tiesili óndiristik nysanynyń 6-ýy Kaiser qalasynda, bireýi Stambýlda ornalasqan. Onda jalpy sany 1700-dei adam jumys isteidi. Kompaniia Qazaqstanda da osyndai óndiris ashyp, ónimderin qazaqstandyqtarǵa keńinen usynýdy kózdep otyr. Sol siiaqty taýarlaryn Qyrǵyz, Ózbekstan siiaqty kórshi elderge ekporttaýǵa da nietti.
Jobaǵa qatysty aýdanda júrgizilip jatqan jumystar týraly Qarasai aýdanynyń ákimi Jandarbek Dalabaev aityp berdi. J. Dalabaevtyń aitýynsha, Jarmuhambet aýylynan 12 ga jer ýchaskesi berilgen. Bul aýmaqta qazir zaýyttyń alǵashqy kezeńin iske qosýǵa múmkindik beretin qurylys nysany bar. Aldaǵy ýaqytta onyń irgesin odan əri keńeitýge de qoldaý jasalady.
Óz kezeginde oblys əkimi A. Batalov oblys aýmaǵynda birqatar túrik investorlary tabysty jumys istep jatqanyn tilge tiek etip, sol qatarda bul jobaǵa da qoldaý kórsetýge əzir ekendigin aitty.
«Búgingi kúni elimizde «Qarapaiym zattar ekonomikasy» baǵdarlamasy asa mańyzdy. Oǵan qosa oblysqa gaz tartylyp, eldi mekenderdi gazandyrý qarqyndy júrip jatyr. Óńirdi gazdandyrýdy bastalǵanda kógildir otynmen qamtý nebary 9, 10 % edi, biyl kórsetkishti 50%-ke jetkizemiz dep otyrmyz. Gazy bar ərbir úige sizder shyǵaratyn gaz plitalary qajet bolady. Sondyqtan Qazaqstanda, sonyń ishinde Almaty oblysynda osyndai kəsiporyn ashý týraly qabyldaǵan sheshimderińiz durys, biz árqashan óz tarapymyzdan qoldaý bildiremiz. Bul kásiporyn elimizde mańyzy zor qazaqstandyq muzmundy arttyrýǵa eleýli yqpal etedi dep senemin» - dedi A. Batalov.
Jalpy, gaz jəne elektr plitalaryn óndiretin zaýyt salý jobasynyń quny 2 mlrd. teńge dep josparlanyp otyr. Onda shamamen 500-dei jumys orny qurylmaq, onyń 200-i turaqty jumys orny bolady. Zaýyt biylǵy jyldyń kúzinde iske qosylady dep mejelengen. Ózara yntymaqtastyqty odan əri damytý maqsatynda Túrkiiadaǵy Qazaqstan elshiligi bastama kóterip, osy kezdesýge muryndyq bolǵan.
Atap ótsek, «Femas Metal» zaýyty Túrkiiadaǵy gaz jəne elektrli turmystyq tehnika shyǵarýda kóshbasshylar qatarynda. 40 jyldan astam tarihy bar kompaniianyń ónimderi búginde 6 qurlyqtyń 130 elinde paidalanylady.
