Túrkiia Vashingtonǵa AQSh-ta turatyn din ýaǵyzdaýshy Fethýllah Gúlendi qamaýǵa alý týraly resmi ótinish joldady. Ankara ony 15 maýsymdaǵy áskeri tóńkeristi uiymdastyrdy dep aiyptady.
centralasian.org-tyń habarlaýynsha, Túrkiia úkimeti Gúlenniń jaqtastary qazirgi bilikti qulatý úshin búlik jasady dep esepteidi. Din ýaǵyzdaýshyny qaitarý máselesi Túrkiia jáne AQSh prezidentteri Rejep Taiyp Erdoǵan men Barak Obama arasynda talqylandy. Olar qyrkúiektiń basynda Qytaida "Úlken jiyrmalyq" sammiti aiasynda kezdesti.
Amerikalyq ákimshiliktiń resmi ókiliniń jýrnalisterge habarlaýynsha, Obama Erdoǵanmen kezdesýde máseleniń saiasi emes, zań jolymen sheshilýine keńes bergen.
Buǵan deiin Túrkiia AQSh-tan Gúlendi ustap berýin birneshe márte suraǵan. Túrkiianyń birneshe qalasynda osy talapty jaqtaǵan jappai sherýler ótti. Fethýllah Gúlen amerikalyq telearnalarǵa bergen suhbattarynda Rejep Erdoǵan biligin taidyrý talpynysyna qatysty bul aiyptaýlardyń barlyǵyn joqqa shyǵardy.
