«2013 jyldyń shilde aiynda NHK telearnasynyń 31 jastaǵy reporteri Miva Sado Tokioda óziniń páterinde kóz jumdy.Ol óz ólimine deiin bir ai boiy 159 saǵat 37 minýt artyq jumys istegen. Sadonyń ólimi resmi túrde «sharshaǵannan bolǵa ólim» retinde tirkeldi», dep jazady The Guardian basylymy.
Avtordyń sózinshe, Japoniiada sharshaǵannan bolatyn ólim jii kezdesedi. Tipti, «karoshi» degen arnaiy termin de bar. Alǵashqy ret karoshi 1969 jyly tirkelse, 2017 jyly qatty sharshaǵannan bolǵan 190 ólim oryn alǵan. Biyl Japoniia aiyna 45 saǵattan asatyn artyq jumysqa tyiym saldy.
Maqalada avtor taǵy bir zertteý nátijesine toqtalǵan. Onda halqy eń kóp jumys isteitin qala Mýmbai ekeni aitylǵan.
«Kisi kompaniiasy júrgizgen zertteý nátijesinde 40 halyqaralyq qalanyń ishinde turǵyndary eń kóp jumys isteitin shahar Tokio ekeni anyqtaldy. Zertteý nátijesinde belgili bolǵandai, Tokio turǵyndary aptasyna ortasha eseppen 42 saǵat jumys isteidi jáne jumys ýaqyty 8:57-de bastalady», - dep jazady portal.
Al UBS Shveitsariia bankiniń aitýynsha,Úndistannyń Mýmbai qalasynda bir jyldaǵy ortasha jumys saǵaty eń kóp bolyp, bul qala eń eńbekqor tanylǵan. Zertteýde Mýmbai turǵyndary jylyna 3315 saǵat jumys isteitini aitylǵan. Al eń az jumys ýaqyty Lagosta tirkelgen. Onda jumys ýaqyty ortasha eseppen jylyna 609 saǵatty quraidy. Bul reitingte Tokio 1 997 saǵat kórsetkishpen 77 qalanyń ishinde 32-oryn alǵan. London turǵyndary ortasha eseppen 2 022 saǵat, Niý-Iork turǵyndary 2 046 saǵat jumys isteidi.
