Elordadaǵy turǵyn úilerdiń birinde lift batyrmasyn aiaqpen teýip basqan feldsherge 5 AEK kóleminde aiyppul salyndy.
Bul týraly Nur-Sultan qalasy politsiia departamentiniń baspasóz qyzmeti málim etti, dep habarlaidy QazAqparat.
«Áleýmettik jelilerge monitoring júrgizý barysynda jedel járdem qyzmetkeriniń kiimin kigen adamnyń «Aq didar» turǵyn úi kesheninde lift panelin aiaqpen basyp, lift shaqyrǵan videosy tabyldy.
Politseiler videodaǵy jigittiń 24 jastaǵy feldsher ekenin anyqtady.
Onyń ústinen QR Ákimshilik quqyq buzý týraly kodekstiń 434-baby (usaq buzaqylyq) boiynsha ákimshilik is qozǵaldy. Mamandandyrylǵan aýdanaralyq ákimshilik sottyń sheshimi boiynsha tártip buzýshyǵa 5 AEK (15 315 teńge – red.) kóleminde aiyppul salyndy», - dep jazylǵan málimette.
Nur-Sultan qalasynyń politsiia departamenti turǵyn úi-jailardy búldirý jáne ainaladaǵylarǵa qurmet bildirmeý, qoǵamdyq tártipti buzatyn basqa da áreketter jaýapkershilik arqalatatynyn eskertip otyr.
