«Turǵyn úi Shymkent» JShS - qalalyq ákimdikke qarasty kásiporyn. Atalǵan kompaniia turǵyn úi - kommýnaldyq jańǵyrtý sharalaryna jaýap beredi, dep xabarlaidy QazAqparat tilshisi.
QR Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Nurjan Jaxinniń aitýynsha, jaqynda «Turǵyn úi Shymkent» JShS direktory Muhambetjan jáne onyń orynbasary Baqbergenov ustaldy.
«Olar «Nurly-jer» jáne «Turǵyn úi-kommýnaldyq sharýashylyǵyn jańǵyrtý» baǵdarlamalary aiasynda Shymkenttegi úilerdi jóndeýge qatysty merdigerlik sharttardy jasaǵany úshin 5,1 mln teńge somasynda zańsyz syiaqy aldy degen kúdik bar. Jalpy, merdigerlik jumystarǵa 34 mln teńge bólingen", - dedi N.Jaxin Astanada ótken baspasóz máslixatynda.
Aita keteiik, buǵan deiin QR Memlekettik qyzmet isteri jáne sybailas jemqorlyqqa qarsy is-qimyl agenttigi bólim basshysyn 1,7 mln teńgemen ustaǵany týraly videony jariialaǵan bolatyn.
Qaraǵandy oblysy boiynsha sot saraptamasy institýtynyń basshylyǵy patologanatomdyq qyzmetke zańsyz jarnama jasap, sol úshin júieli túrde para alyp kelgen.
Al qostanailyq sheneýnikter "Nurly jer" baǵdarlamasynyń tenderin 30 mln teńgege satyp jibergen.
