© Sputnik / Tabyldy Kadyrbekov
Shyǵys Qazaqstan oblysynyń ortalyǵynda turǵyn úi alý kezegin "ainalyp ótýge" tyrysqan qyz alaiaqqa aldandy, dep habarlady Sputnik Qazaqstan agenttigi Polisia.kz saityna silteme jasap.
Sáýir aiynyń sońynda Óskemen qalasynyń politsiiasyna 29 jastaǵy jergilikti turǵyn aryzdanǵan. Ol osy jyldyń 23-25 sáýir aralyǵynda tanysy páter kezegin jyljytyp beremin degen syltaýmen 450 myń teńge mólsherindegi aqshalai qarajatyn aldap alǵanyn habarlady.
Jábirlenýshi turǵyn úi kezegin alǵa jyljytý úshin banktiń mobildi qosymshasymen qarajatty aýdarǵan.
Aryzdy qabyldap alǵan tártip saqshylary birden qylmysty ashýǵa kiristi. Osylaisha qabyldanǵan sharalardyń nátijesinde kriminaldyq politsiia qyzmetkerleri 30 jastaǵy kúdiktini ustady, oǵan qatysty kelý týraly mindetteme májbúrleý sharasy tańdaldy.
Atalǵan fakti boiynsha Qazaqstan Qylmystyq kodeksiniń 190-baby 1-bóligi (Alaiaqtyq) boiynsha sotqa deiingi tergeý bastaldy. Bul baptyń sanktsiiasy eki jylǵa deiingi merzimge bas bostandyǵynan aiyrýdy kózdeidi.
