© Sputnik / تابىلدى كادىربەكوۆ
شىعىس قازاقستان وبلىسىنىڭ ورتالىعىندا تۇرعىن ٷي الۋ كەزەگٸن "اينالىپ ٶتۋگە" تىرىسقان قىز الاياققا الداندى, دەپ حابارلادى Sputnik قازاقستان اگەنتتٸگٸ Polisia.kz سايتىنا سٸلتەمە جاساپ.
سەۋٸر ايىنىڭ سوڭىندا ٶسكەمەن قالاسىنىڭ پوليتسيياسىنا 29 جاستاعى جەرگٸلٸكتٸ تۇرعىن ارىزدانعان. ول وسى جىلدىڭ 23-25 سەۋٸر ارالىعىندا تانىسى پەتەر كەزەگٸن جىلجىتىپ بەرەمٸن دەگەن سىلتاۋمەن 450 مىڭ تەڭگە مٶلشەرٸندەگٸ اقشالاي قاراجاتىن الداپ العانىن حابارلادى.
جەبٸرلەنۋشٸ تۇرعىن ٷي كەزەگٸن العا جىلجىتۋ ٷشٸن بانكتٸڭ موبيلدٸ قوسىمشاسىمەن قاراجاتتى اۋدارعان.
ارىزدى قابىلداپ العان تەرتٸپ ساقشىلارى بٸردەن قىلمىستى اشۋعا كٸرٸستٸ. وسىلايشا قابىلدانعان شارالاردىڭ نەتيجەسٸندە كريمينالدىق پوليتسييا قىزمەتكەرلەرٸ 30 جاستاعى كٷدٸكتٸنٸ ۇستادى, وعان قاتىستى كەلۋ تۋرالى مٸندەتتەمە مەجبٷرلەۋ شاراسى تاڭدالدى.
اتالعان فاكتٸ بويىنشا قازاقستان قىلمىستىق كودەكسٸنٸڭ 190-بابى 1-بٶلٸگٸ (الاياقتىق) بويىنشا سوتقا دەيٸنگٸ تەرگەۋ باستالدى. بۇل باپتىڭ سانكتسيياسى ەكٸ جىلعا دەيٸنگٸ مەرزٸمگە باس بوستاندىعىنان ايىرۋدى كٶزدەيدٸ.
