QR Ishki ister ministri Erlan Turǵymbaev Almaty túbinde apatqa ushyraǵan «Bek Air» ushaǵynyń nelikten órtenbegenin aitty, dep habarlaidy QazAqparat.
«Baqytymyzǵa orai, janarmai bagy tesilgen sol jaq qanaty órtengen joq. Otynnyń jartysy ushaq astyna tógilgen. Kún raiyna, qarǵa jáne sýyq aýa raiyna bailanysty órt shyqqan joq. Bul qaza tapqandar sanynyń az bolýyna múmkindik jasady», - dedi ministr Úkimet otyrysynan keiin BAQ ókilderiniń saýalyna orai.
Sonymen qatar Erlan Turǵymbaev ushaq apatynyń 3 nusqasyn ataǵan bolatyn.
