Qyzylordalyq densaýlyq salasynyń ardageri Turǵanbai Mahanov álemdi jailaǵan indetti jeńýdiń jalǵyz joly - vaktsina ekenin aitady, dep habarlaidy QazAqparat.
Ol turǵyndarǵa ekpe saldyrýdan esh qorqýdyń qajeti joq dep sanaidy.
«Bir jyldan asty indet kúresip kele jatyrmyz. Bul koronavirýs infektsiiasy basqa virýstarǵa qaraǵanda óte qaýipti. Alaida indetpen qalai kúresemiz? Bunyń ǵylymi joldary bar ma? Árine bar. Osy ýaqytqa deiin taralǵan virýstyń barlyǵyn ǵylymi jolmen toqtatqan. Ekpe ujymdyq imýnitetti qalyptastyrady. Ekpeni jasatýymyz kerek. Budan qorqatyn qaýip joq. Kez-kelgen vaktsinany 99 adam jaqsy qabyldap, bireýine keri áser etýi múmkin. Biraq sol úshin jappai ekpeden bas tartý durys emes. Indetpen birge kúreseiik. Saqtyq sharalaryn saqtap, óz densaýlyǵymyzdy kúteiik», - dedi Turǵanbai Mahanov.
