قىزىلوردالىق دەنساۋلىق سالاسىنىڭ ارداگەرٸ تۇرعانباي ماحانوۆ ەلەمدٸ جايلاعان ٸندەتتٸ جەڭۋدٸڭ جالعىز جولى - ۆاكتسينا ەكەنٸن ايتادى, دەپ حابارلايدى قازاقپارات.
ول تۇرعىندارعا ەكپە سالدىرۋدان ەش قورقۋدىڭ قاجەتٸ جوق دەپ سانايدى.
«بٸر جىلدان استى ٸندەت كٷرەسٸپ كەلە جاتىرمىز. بۇل كوروناۆيرۋس ينفەكتسيياسى باسقا ۆيرۋستارعا قاراعاندا ٶتە قاۋٸپتٸ. الايدا ٸندەتپەن قالاي كٷرەسەمٸز? بۇنىڭ عىلىمي جولدارى بار ما? ەرينە بار. وسى ۋاقىتقا دەيٸن تارالعان ۆيرۋستىڭ بارلىعىن عىلىمي جولمەن توقتاتقان. ەكپە ۇجىمدىق يمۋنيتەتتٸ قالىپتاستىرادى. ەكپەنٸ جاساتۋىمىز كەرەك. بۇدان قورقاتىن قاۋٸپ جوق. كەز-كەلگەن ۆاكتسينانى 99 ادام جاقسى قابىلداپ, بٸرەۋٸنە كەرٸ ەسەر ەتۋٸ مٷمكٸن. بٸراق سول ٷشٸن جاپپاي ەكپەدەن باس تارتۋ دۇرىس ەمەس. ٸندەتپەن بٸرگە كٷرەسەيٸك. ساقتىق شارالارىن ساقتاپ, ٶز دەنساۋلىعىمىزدى كٷتەيٸك», - دەدٸ تۇرعانباي ماحانوۆ.
