Búgin Elbasynyń týǵan jeri - Almaty oblysy Shamalǵan aýylynda «Tuńǵysh Prezident jolymen» respýblikalyq ekspeditsiiasy bastaldy. Bul shara Qazaqstan halqy Assambleiasynyń 25 jyldyǵynyń aiasynda ótkizildi. Shamalǵan aýylyndaǵy «Úshqońyr» sport kesheninde uiymdastyrylǵan sharaǵa Qazaqstan halqy Assambleiasy Tóraǵasynyń orynbasary, hatshylyq meńgerýshisi Janseiit Túimebaev pen Almaty oblysynyń əkimi Amandyq Batalov qatysty.
Jalpy jobanyń maqsaty Elbasynyń qoǵamdyq kelisim men jalpyulttyq birliktiń qazaqstandyq modelin qalypastyrýdaǵy eren eńbegin nasihattaý ekenin atap ótý kerek. Ekspeditsiia músheleri Tuńǵysh Prezidenttiń týǵan jerinen bastap, oqyǵan jáne qyzmet etken aimaqtaryn da aralap shyǵady dep josparlanǵan.
Saltanatty shara “Qulansaz” ansambliniń oryndaýyndaǵy “Qazaǵymnyń qanaty” atty ənmen bastalyp, jastar ortaǵa Qazaqstan týy men Assambleia týyn alyp shyqty. Sondai-aq Ənuran oryndalyp, odan keiin ekspeditsiianyń simvoldary retinde ekspeditsiia týy men kúndeligi ortaǵa əkelindi.
Alǵashqy sóz oblys əkimi Amandyq Batalovqa berildi. Elbasynyń teńdessiz jobasy Qazaqstan halqy Assambleiasynyń el ómirindegi mańyzyna toqtala kele, oblys ákimi Assambleianyń 25 jyldyǵynyń betashary bolǵan osy ekspeditsiianyń Jetisýdan, sonyń ishinde Tuńǵysh Prezidentimizdiń týǵan jeri Shamalǵan aýylynan bastalǵany zor maqtanysh ekenin aitty.
- Assambleia mereitoiy aiasynda uiymdastyrylyp otyrǵan bul ekspeditsiianyń máni zor dep bilemin. Bul shara Elbasymyz Nursultan Ábishuly Nazarbaevtyń dúniege kelgen ólkesinen bastap, júrip ótken joldaryn, táýelsizdikti qalyptastyrý men damytýdaǵy qadamdaryn, strategiialyq baǵdarlamalaryn, beibitshilik pen kelisim saiasatyn ónege etýdiń eren úlgisi bolǵaly otyr. Ekspeditsiianyń, ásirese, jastar úshin bereri mol. Sebebi Tuńǵysh Prezidenttiń qairatkerlik joly, taǵylymdy ómirbaiany – Otanǵa, el men jerge qaltqysyz qyzmet etýdiń jarqyn úlgisi, - degen A. Batalov ekspeditsiiaǵa jumysyna sáttilik tiledi.
Munan soń QHA Tóraǵasynyń orynbasary, hatshylyq meńgerýshisi Janseiit Túimebaev sóz alyp, táýelsiz Qazaqstan tarihyndaǵy Elbasy rólin erekshe atap ótip, el jetistikterindegi eńbegine airyqsha toqtaldy. Sol siiaqty búgingi ekspeditsiianyń mańyzyn túsindirdi.
- Aldaǵy jylda el táýelsizdiginiń 30 jyldyǵy kele jatyr. Osy jyldar ishinde Qazaqstan Elbasymyzdyń kemel kóshbasshylyǵymen ǵasyrǵa bergisiz dáýirdi ótkerdi. Jańa formatsiiaǵa kóshti, BUU múshesi boldy, azat memleket retinde álemge tanyldy. Osy baǵa jetpes eńbek pen erlikti qasterleý bilip, onyń máni men mańyzyn urpaqtan urpaqqa jetkizýimiz kerek. Osy oraida «Tuńǵysh Prezident jolymen» atty ekspeditsiiany bastadyq jáne ony Elbasymyzdyń kindik qany tamǵan Jetisýdan, Úshqońyrdyń baýraiynan bastap otyrmyz. Elbasydai uly tulǵany ómirge ákelgen Jetisý jeri ári baqytty, ári bai dep esepteimin, - dedi J. Túimebaev.
Kelesi kezekte Parlament Senatynyń depýtaty Lázzat Súleimenova minbege shyǵyp: «Tuńǵysh Prezident joly táýelsizdik joly, qazaqstandyqtardyń ortaq joly jáne ol árqaisymyzdyń jolymyz», - dep atap ótti. Sol siiaqty osy jiynda Elbasynyń synyptasy, eńbek ardageri Edigen Júnisbekov Elbasynyń balalyq shaǵynan estelikter aitsa, Assambleia músheleri Atsalim Idigov, Nataliia Homenko, Roza Abilova Elbasymen júzdesken, tildesken tolqynysty sátterin ystyq yqylaspen eske aldy. Al balqar ultynyń ókili Farizat Hadjievanyń esteligi erekshe tebirenisti boldy. Ol Jetisý óńirine taǵdyr talaiymen kelgen óz babalaryna Ábish atanyń qalai qamqorlyq kórsetkenin áserli áńgimelep berdi. Tar zamanda taryǵyp kelgen áýlettiń basyna baspana, aldyna mal salyp, barymen bólisken Ábish atanyń qamqorlyǵyn búgingi Hadjievtardyń urpaqtary jadynda saqtap keledi jáne aitar alǵysy sheksiz.
Saltanatty sharanyń sońyna qarai ekspediia simvoldary - tý men kúndelik ekspeditsiia estafetasyn qabyldaityn Qaraǵandy oblysynyń ókilderine resmi túrde tabystaldy.
Jalpy osy sharada Súiinbai atyndaǵy oblystyq filarmoniianyń, «Qulansaz», «Súiinbai sazy», «Taldyqorǵan əýenderi» ansamblderiniń jəne «Úshqońyr» kvartetiniń ánshileri patriottyq rýhtaǵy ənder oryndap, «Altynai», «Achimnoýl» bi ujymdary óner kórsetti.
Osy kúni qonaqtar Shamalǵan aýylyndaǵy Tuńǵysh Prezident – Elbasynyń «Atameken» tarihi-mádeni ortalyǵyn aralap, ondaǵy Elbasy qyzmetine bailanysty tanymdyq málimettermen tanysty.
Sondai-aq «Anaǵa qurmet» mýzeii men «Batyr babalar» memorialdy kesheninde de boldy.
Almaty oblysy ákiminiń baspasóz qyzmeti
