Tuńǵysh Prezident kúni týǵan sábilerdiń analaryn qala ákiminiń orynbasary Ashat Oralov pen Qoǵamdyq densaýlyq saqtaý basqarmasynyń basshysy Timýr Muratov quttyqtady, dep habarlaidy "Ult aqparat" qala ákimdigine silteme jasap.
Qaladaǵy aýrýhanalardyń akýsherlik bloktarynda 30 qarashadan 1 jeltoqsanǵa qaraǵan túni 27 bala dúniege keldi, onyń 16 - sy - qyz, 11-i-ul bala.
Olarǵa Nur-Sultan qalasynyń ákimi Altai Kólginovtiń atynan alǵys hattar men jańa týǵan nárestelerge balalar kombinezony túrindegi syilyqtar tabys etildi.
«Sizderdi sábidiń dúniege kelýimen jáne 1 jeltoqsan merekesimen shyn júrekten quttyqtaimyn! Búgin sizder úshin qos mereke. Sizderge jáne balalaryńyzǵa zor densaýlyq, baqyt, otbasylaryńyzǵa amandyq tileimin. Sábiler elimizdiń maqtanyshy bolyp óssin», - dedi Ashat Oralov.
Eske sala keteiik, Qazaqstan Táýelsizdiginiń 30 jyldyǵy qarsańynda elordada «30 igi is» uranymen áleýmettik jáne qaiyrymdylyq is-sharalary ótýde. Bul estafetadaǵy eń basty maqsat - qala men onyń turǵyndary úshin igi is jasaý.
