Foto: © Sputnik / Bolat Shaihinov
Vitse-premer – Qarjy ministri Erulan Jamaýbaev Májilis kýlýarynda Tuńǵysh Prezident kantseliariiasy jaqyn arada jumysyn toqtatatynyn aitty, dep habarlaidy "Ult aqparat".
Ministrdiń sózinshe, qyzmetkerlerdiń bir bóligi ózge uiymdarǵa aýysady.
"Ol qazir qaita qurylymdaý kezeńinde. Sonyń aiasynda keibir adamdar ózge jumysqa aýysady, al keibiri qysqartylady. Onyń bári Eńbek kodeksiniń aiasynda júzege asady. Bul kantseliariiaǵa ǵana emes, kez kelgen qyzmetkerge qatysty. Aldyn ala habarlama berilýi kerek, iaǵni ol jerde jumys orny jabylatyny týraly habarlanýy qajet.
Bir jarym aidyń ishinde bul másele sheshiledi dep oilaimyn", - dedi Jamaýbaev.
Ministrdiń aitýyna qaraǵanda, qaita qurylymdaýdan shamamen jylyna 2-3 milliard teńge únemdelmek.
"Al onyń qaida jumsalatyny biýdjetti retteý kezinde anyqtalady", - dedi ol.
BAQ ókilderi "Nazarbaevtyń keńsesin japsa, eks-prezident qaida jumys isteidi?" dep te surady.
"Muny onyń ainalasyndaǵy adamdardan surańyzdar. Men qaidan bileiin. Olardan surańyz, basqa keńseleri bar shyǵar", - dedi vitse-premer.
