Densaýlyq saqtaý ministrligi tumaýǵa qarsy ekpeni satyp alý kezinde vaktsinany tańdaý tásilin túsindirdi, dep habarlaidy "Ult aqparat".
«Qazaqstan Dúniejúzilik densaýlyq saqtaý uiymy tarapynan bekitilgen vaktsinany satyp alady. Sonymen qatar, 2020-2021 jyldary kezeńinde el arasynda taralatyn tumaý shtamy boiynsha atalǵan uiym taldaý jasaidy. Sáikesinshe, Qazaqstan satyp alǵan ekpe - ol reseilik vaktsina. Ondaǵy antideneler shmamdary Dúniejúzilik densaýlyq saqtaý uiymy talap etetin standarttarǵa sáikes keledi», - dep túsindirdi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev Ortalyq kommýnikatsiialar qyzmetinde.
Onyń sózine qaraǵanda, atalǵan vaktsina jergilikti ári respýblikalyq biýdjet esebinen satyp alynady.
«Bul óz kezeginde áleýmettik osal toptarǵa jatatyn azamattardy qamtamasyz etý úshin eskerilgen. Birinshi kezekte, balalar, júrek pen tynys alý organdarynyń sozylmaly aýrýy barlar, egde jastaǵy adamdar men júkti áielder. Olardyń barlyǵyna ekpe jasaý emhanada aqysyz júrgiziledi», - dedi T. Sultanǵaziev.
Sonymen qatar komitet basshysy qalǵan azamattar vaktsinany aqyly turde alatynyn jetkizdi.
