Kúzgi – qysqy kezeńde tumaýǵa qarsy ekpeni 400 myń almatylyq alady. Bul týraly Almaty qalalyq Qoǵamdyq densaýlyq saqtaý basqarmasynyń basshysy Kamaljan Nadyrov onlain brifing barysynda málim etti, dep habarlaidy QazAqparat.
Onyń aitýynsha, negizgi qaýip tobyna sozylmaly aýrýlary bar adamdar, 65 jastan asqan egde jandar jáne meditsina qyzmetkerleri kiredi.
«Qyrkúiek aiynyń basynda tumaýǵa qarsy vaktsinatsiia bastalady. Kúzgi-qysqy kezeńde tumaýǵa qarsy ekpeni 400 myń almatylyq alady. Sondai-aq, 130 myń doza jetkiziledi dep kútýdemiz. «SK-Farmatsiia» JShS biryńǵai distribiýtoryna tumaýǵa qarsy vaktsinanyń 300 myń dozasyna qosymsha ótinim berildi»,- dedi Kamaljan Nadyrov.
Sonymen qatar ol tumaýǵa qarsy tegin vaktsinany kimder alatynyn aitty.
«Meditsinalyq baqylaýdaǵy balalarǵa, jetim jáne ata-anasynyń qamqorlyǵynsyz qalǵan balalarǵa, júkti áielderge, sozylmaly júrek-tamyr júiesi aýrýlary bar jáne epidemiologiialyq kórsetkishter boiynsha tynys alý organdary dertine ushyraǵandar, meditsina qyzmetkerlerine vaktsina tegin salynady»,– dedi ol.
