Nur-Sultanda «Tumar» ulttyq televiziialyq báigesiniń jeńimpazdary marapattaldy, dep habarlaidy QazAqparat.
Jeńimpazdar 10 nominatsiia boiynsha anyqtaldy. Olarǵa estelik músinshe men 1 mln teńge syiaqy berildi.
QR Aqparat jáne qoǵamdyq damý ministri Dáýren Abaev barlyq jeńimpazdardy quttyqtady jáne «Úzdik derekti film» atalymynyń músinshesin tabystady. Bul atalymda «ATAMEKEN BUSINESS» telearnasynyń «Kórshiler» filmi jeńimpaz atandy.
«QAZAQSTAN» telearnasynyń «Ashyq alan» baǵdarlamasy jyldyń úzdik tok-shoýy atandy.
Al «Úzdik oiyn-saýyq baǵdarlamasy» nominatsiiasynda «Habar» telearnasynyń «Central Asia’s Got Talent» baǵdarlamasy ozyp shyqty.
«KTK» telearnasyndaǵy «Bolshie novosti» jobasy «Úzdik aqparattyq baǵdarlama» atandy.
«Úzdik áleýmettik joba» músinshesi «31 arnadan» kórsetilgen «Anashym, biz úidemiz» baǵdarlamasyna berildi.
«Gakku» telearnasyndaǵy «Bir toqsan» jobasy «Úzdik televiziialyq serial» atandy.
Sonymen birge, «Almaty» telearnasy «Úzdik óńirlik telearna» atalymynda jeńip shyqty.
«Úzdik telejýrnalist» atalymynda jýrnalist, «Pervyi Kanal Evraziia» telearnasynyń redaktory Oleg Jýrkevich marapattaldy.
Vitalii Popovtyń «MIR» telearnasyndaǵy «Túrki áleminiń besigi» jobasy «Úzdik rejisserlik jumys» retinde baǵalandy.
«Úzdik telejúrgizýshi» sanatynda «QAZAQSTAN» telearnasyndaǵy Jaina Jaqsylyqova jeńimpaz atandy.
Aita keteiik, «Tumar» ulttyq televiziialyq báigesi biyl úshinshi ret uiymdastyrylyp otyr. Júlde qazaqstandyq teleindýstriiany yntalandyrý maqsatynda beriledi.
