Foto: QR MAM
Buqaralyq aqparat quraldary qyzmetkerleri kúni qarsańynda Astanada «Tumar» Ulttyq televiziialyq syilyǵynyń jeńimpazdaryn saltanatty marapattaý rásimi ótti, dep habarlaidy Ult.kz.
2025 jylǵy marapat el ómirindegi mańyzdy oqiǵalar men áleýmettik bastamalardy kótergen jýrnalisterdiń eńbegin baǵalaýǵa arnaldy.
Biyl syilyqqa respýblikalyq jáne óńirlik jetekshi telearnalardan 11 nominatsiia boiynsha 300-den astam ótinim kelip tústi. Short-listke 44 jumys endi.
Baiqaý jeńimpazdaryna otandyq televiziialyq óner salasyndaǵy jetistikteri úshin «Tumar» músinshesi men 1 million teńge kólemindegi aqshalai júlde tabystalady.
Qazaqstan Respýblikasynyń Memlekettik keńesshisi Erlan Qarin «Habar» agenttiginiń 30 jyldyq mereitoiy qarsańynda arnaiy «Tumar-2025» syilyǵyn tabystady.
Sonymen qatar arnaiy syilyq «Zań jáne tártip» qaǵidatyn nasihattaýǵa qosqan úlesi úshin «KTK» telearnasyna jáne Jeńistiń 80 jyldyǵyn keńinen qamtyǵany úshin «Eýraziia Birinshi arnasyna» berildi.
Aita keteiik, «Tumar» syilyǵy 2017 jyly QR Mádeniet jáne aqparat ministrliginiń bastamasymen taǵaiyndalǵan.
Syilyqtyń basty maqsaty – qazaqstandyq televiziianyń sapasyn arttyrý jáne damytý, televiziialyq kontent óndirý salasyndaǵy daryndy mamandardy qoldaý jáne úzdikterdi marapattaý. Syilyq taǵaiyndalǵannan beri 2 200-den astam ótinim qabyldanyp, 354 joba finalǵa shyqqan. Al 98 laýreat kásibi sheberlik pen shyǵarmashylyq jetistiktiń simvoly bolǵan músinsheni jeńip aldy.
«Tumar - 2025» syilyǵynyń iegerleri:
- Eń úzdik áleýmettik joba - «Taza qala» - JIBEK JOLY telearnasy
- Jyldyń eń úzdik reportajy - «V gostiah ý kochevnikov» - MIR telearnasy
- Eń úzdik aqparattyq-saraptamalyq baǵdarlama - «President» - 24KZ telearnasy
- Eń úzdik jýrnalistik zertteý - «AES jáne energetikalyq qaýipsizdik» - ATAMEKEN BUSINESS telearnasy
- Jyldyń eń úzdik telehikaiasy - «12:00» - 31 arna
- Eń úzdik derekti film - «Chelovek s ostrova Kýlaly» - JIBEK JOLY telearnasy
- Eń úzdik balalar telejobasy «Túrkistan saqshylary» - TURKISTAN TV telearnasy
- Eń úzdik óńirlik arna - Saryarqa telearnasy –Qaraǵandy oblysy
- Eń úzdik telejýrnalist - Bektas Aqerke – QAZAQSTAN TV telearnasy
- Eń úzdik telejúrgizýshi - Dospaeva Móldir –Habar telearnasy
- Eń úzdik sporttyq kommentator - Erik Ersin –QAZSPORT telearnasy
