«Tumar» ulttyq televiziialyq syilyǵy 2020 jyldyń 13 naýryzynda Nur-Sultan qalasyndaǵy «Qazmedia holl» kinokontsert zalynda saltanatty túrde tapsyrylady. Osy jyly uiymdastyrýshylar on nominatsiia boiynsha bir million teńgeden júlde qoryn belgiledi, dep habarlaidy Ulttyq syilyqtyń uiymdastyrý komiteti.
Biyl tórtinshi ret ótetin «Tumar» ulttyq telearna syilyǵynyń óz ereksheligi bar. Uiymdastyrý komiteti ótken jyldardaǵy qazylar alqasy men kásibi qoǵamdastyq músheleriniń usynystaryn nazarǵa ala otyryp, «Tumar» músinshesine bir million teńge mólsherinde aqshalai syiaqyny qosa berý týraly sheshim qabyldady.
Biyl syilyq on nominatsiia boiynsha tapsyrylady: «Úzdik televiziialyq serial», «Úzdik derekti film», «Úzdik tok-shoý», «Úzdik oiyn-saýyq baǵdarlamasy», «Úzdik aqparattyq baǵdarlama», «Úzdik telejúrgizýshi», «Úzdik telejýrnalist», «Úzdik rejisserlik jumys», «Úzdik áleýmettik joba», «Úzdik aimaqtyq telearna».
Ár nominatsiia boiynsha «Tumar» syilyǵy men bir million teńgeni alýǵa tórt úmitker qatysady.
