Jeksenbi elimizde tuman túsip, jańbyr jaýady, kún kúrkirep, naizaǵai jarqyldaidy, jel kúsheiedi, dep habarlaidy "Ult aqparat" Qazgidrometke silteme jasap.
Sinoptikterdiń boljaýynsha, 6 qyrkúiekte Qazaqstannyń basym bóligine soltústik jáne ońtústik antitsiklon áser etedi, osyǵan bailanysty ońtústikte kún kúrkirep, naizaǵai jarqyldaidy, kei jerlerde jańbyr jaýady. Tek elimizdiń batysynda kún raiy ashyq bolady. Elimizdiń kei jerlerinde tuman túsip, jel kúsheiedi, batysta shańdy daýyl soǵady.
Qyzylorda, Mańǵystaý, kúndiz Aqmola, Soltústik Qazaqstan, Qostanai, Pavlodar, Atyraý oblystarynyń kei jerlerinde jel 15-20 m/s kúsheiedi.
Mańǵystaý jáne Atyraý oblystarynda shańdy daýyl soǵýy yqtimal. Túrkistan, kúndiz Almaty, Qaraǵandy oblystarynyń kei jerlerinde naizaǵai oinaidy, jel 15-23 m/s kúsheiedi.
Jambyl oblysynyń kei jerlerinde tuman túsip, kúndiz naizaǵai jarqyldaidy, daýyl soǵyp, jel 15-20 m/s kúsheiedi.
Túnde Shyǵys Qazaqstan oblysynyń kei jerlerinde tuman túsýi múmkin.
Qaraǵandy oblysynyń kei jerlerinde, Qostanai oblysynyń kei jerlerinde 1-3 gradýs úsik júredi.
Atyraý, Qyzylorda oblysynyń basym bóliginde, Qaraǵandy oblysynyń kei jerlerinde, Túrkistan oblysynda, Batys Qazaqstan oblysynyń ońtústiginde tótenshe órt qaýipi saqtalady.
