"Tulpar-Talgonyń" segiz baǵyttaǵy júrdek poiyzdarynyń bileti 50 paiyzǵa arzandaidy, dep habarlaidy "Jolaýshylar tasymaly" AQ baspasóz qyzmeti.
Kóktemgi jeńildikter 11 sáýir men 31 mamyr aralyǵynda jasalady. Tek 27 sáýir men 1 mamyr jáne 4-9 mamyr aralyǵynda arzan biletter qarastyrylmaǵan.
Jolaýshylar segiz baǵyt boiynsha júretin poiyzdardyń biletin 10-nan 25 paiyzǵa deiingi jeńildikpen satyp ala alady: "Almaty – Atyraý" №035/036, "Almaty — Óskemen" №045/046, "Almaty – Oral" №049/050, "Astana – Qyzylorda" №089/090, "Astana — Oral" №095/096, "Aqtóbe – Astana" №097/098, "Almaty – Astana" №701/702 jáne "Shymkent – Astana" №709/710.
Budan bólek, 45 táýlikke deiin biletti aldyn ala satyp alǵan adamǵa 35 paiyz jeńildik bar.
Osylaisha, jańa kóktemgi jeńildikterdi eskere otyryp, jolaýshylar 11 sáýirden bastap 50 paiyz arzan baǵaǵa bilet satyp ala alady.
