Qostanai qalasynda QR Aýyl sharýashylyǵy vitse-ministri Rústem Qurmanovtyń qatysýymen egis naýqanyna daiyndyq barysy týraly keńes ótti, dep habarlaidy "Ult aqparat".
Keńes barysynda egis naýqanynyń jospary, tuqym sapasy men aýyl sharýashylyǵy tehnikasyn daiyndyǵy jáne otyn qory talqylandy. Sondai-aq QR AShM ókilderi tuqym sharýashylyǵyn qoldaý jáne tuqym tazalaityn tehnikany satyp alý úshin investitsiialyq sýbsidiialaý erejelerine engizilgen ózgerister týraly málim etti. Rústem Qurmanovtyń aitýynsha, eger buryn fermerlerge tek importtyq tuqym tazalaityn tehnikany satyp alýǵa ǵana sýbsidiia berilse, endi otandyq jáne ýkrainalyq, sondai-aq TMD elderiniń ónimderin satyp alýǵa jumsalǵan shyǵyndar da óteledi.
«Sharýalardyń ótinishi boiynsha tuqymǵa sýbsidiia berý erejeleri ózgertildi. Endi sýbsidiiany Qazaqstanda jáne sheteldik óndirýshilerden tikelei satyp alǵan barlyq sharýalar ala alady. Eski erejede bul qarastyrylmaǵan bolatyn. Atalmysh shara sapaly tuqymdarǵa teń qoljetimdilikti qamtamasyz etedi», - dedi QR AShM vitse-ministri.
Jiyn barysynda Rústem Qurmanov mineraldy tyńaitqyshtardy qoldaný máselesine toqtaldy. 2020 jyly respýblika boiynsha jergilikti biýdjetterde mineraldy tyńaitqyshtardy satyp alýdy sýbsidiialaýǵa 23 mlrd teńgeden astam qarjy qarastyrylǵan.
