Túrkistan oblysynyń ortalyǵy Túrkistan shaharynda «Týǵan jerge taǵzym» keń aýqymdy jobasy bastaldy. «Otandastar» qory uiytqy bolǵan sharanyń mindeti - alys-jaqyn shetelderde, Avstriia, Angliia, Frantsiia, Shvetsiia, Iran, Qytai, Monǵoliia, Tájikstan, Resei, Belorýs, Ózbekstan jáne Qyrǵyzstanda turatyn qandastarǵa arnap, Qazaqstannyń kieli jerlerine tarihi-tanymdyq ekskýrsiialar seriiasyn uiymdastyrý.
Eki kúnge jalǵasatyn ekskýrsiianyń, eń aldymen, Túrkistanda ótý maqsaty - otandastarǵa Qoja Ahmet Iassaýi, Arystan Bab keseneleri, Túrkistannyń tarihi murajaiy jáne óńirdiń basqa da kórikti jerlerin tanystyrý arqyly qazaq halqynyń mádeni jáne rýhani qundylyqtaryn nasihattaý.
Barsha túrki jurtynyń Atajurtyna kelgen qandastardyń qadamyna qut tilep, zor qurmetpen qarsy alǵan oblys ákimi Janseiit Túimebaev osynaý mańyzdy kezdesýdiń Elbasynyń «Bolashaqqa baǵdar: rýhani jańǵyrý» baǵdarlamalyq maqalasynyń aiasynda uiymdastyrylyp jatqanyn aityp, qatysýshylardy Túrkistandy túrki áleminiń rýhani ortalyǵyna ainaldyrý jóninde naqty mindeti búgingi tańda qalai júzege asyrylyp jatqanynan habardar etti.
«Rýhani jańǵyrý» baǵdarlamasy aiasynda 2018 jyly oblysta 46 joba men 168 is-shara belgilenip, ótkizilýde. «TÝǴAN JER» arnaiy jobasynyń «ATAMEKEN» KIShI BAǴDARLAMASY sheńberinde Túrkistan oblysynda 2018 jyly 28 mlrd. 156 mln.teńgeniń jobalary, iaǵni, 428 nysan (oblys bólingenge deiin barlyǵy 445 nysan) júzege asýda, onyń ishinde quny 887,2 mln. teńge quraityn 23 nysan iske qosyldy. Baǵdarlamada qoiylyp otyrǵan basty máselelerdiń biri – adamdy bilimdi, ári rýhani bai etip tárbieleý. Osy maqsatqa baǵyttalǵan «TÁRBIE JÁNE BILIM» KIShI BAǴDARLAMASY aiasynda ólkeniń tarihyn keńinen taný, zertteý maqsatynda 5,6,7 synyptarǵa arnalǵan «Ólketaný» oqýlyǵyn baspadan shyǵarýǵa jergilikti biýdjetten 153 mln. teńge qaralyp, 50 myń danamen shyǵarýǵa baspaǵa jiberildi. Baǵdarlamaǵa orai, qasietti jerlerdiń tizimin qalyptastyrýǵa usynystar ázirleitin tarihshylar, ǵalymdar, arheologtardan turatyn arnaiy óńirlik jumysshy toby qurylyp, oblysymyzdaǵy qasietti, kieli nysandardyń tizimi iriktelip, óńirlik karta jobasy daiyndaldy" - dedi óńir basshysy.
Q.A.Iassaýi atyndaǵy Halyqaralyq qazaq-túrik ýniversitetinde «Qazaqstannyń kieli jerleri» taqyrybynda ótken dóńgelek ústelde ákim, sondai-aq, oblys tarapynan «Qasietti Qazaqstan» respýblikalyq ortalyǵyna 104 nysan usynylyp, onyń ishinen 26 nysan respýblikalyq tizimge engizilgenin jetkizdi. Sonymen qatar, «QAZAQSTANNYŃ KIELI JERLERI» arnaiy jobasy aiasynda atqarylyp jatqan isterge toqtalyp, jalpy baǵdarlamalyq maqalanyń barlyq mindetteri boiynsha oblysymyzda atqarylǵan isterdi aityp ótti.
Munan bólek, júzdesýde «Otandastar qory» KEAQ Prezidenti Nurtai Ábiqaev, «Dúniejúzi qazaqtarynyń qaýymdastyǵy» RQB Tóraǵasynyń birinshi orynbasary Zaýytbek Turysbekov, Q.A.Iasaýi atyndaǵy HQTÝ rektory Bolatbek Abdrasilov, QR Ulttyq mýzeiiniń «Qasietti Qazaqstan" ortalyǵy basshysynyń orynbasary Batyrhan Jumabaev, Memlekettik tildi damytý qorynyń direktory Azat Shaýeevtar jáne shet eldik diaspora ókildiri sóz sóilep, búgingi sharanyń mańyzdylyǵyna toqtaldy.
Jalpy, atalǵan «Otandastar» qory aldaǵy bes jyl ishinde ekskýrsiialyq týrlardy elimizdiń ózge de óńirlerinde júieli túrde ótkizýdi josparlap otyr. Kelesi rettegi joba Aqtaý, Pavlodar, Almaty jáne t.b. qalalardy qamtityn bolady. Uiymdastyrýshylardyń aitýynsha, kieli jerlerdi jaqynnan tanyp, jiti zertteý arqyly sheteldik otandastar tarihi otanynyń ótkenine úńilip, elimizdiń mádenietine, ónerine jáne halyqtyq dástúrlerine jaqyndai túsedi.
«Otandastar» Qory» «Týǵan jerge taǵzym» tarihi-tanymdyq ekskýrsiialar jobasyn «Rýhani jańǵyrý» memlekettik baǵdarlamasy aiasynda ótkizip otyr. Joba baǵdarlamasyna «Qazaqstannyń kieli jerler geografiiasy» kópfýnktsionaldy virtýaldy kartasy nysandarymen tanysý kiredi. Atalmysh ideia Memleket basshysy Nursultan Nazarbaevqa tiesili. Elbasy óziniń «Bolashaqqa baǵdar: rýhani jańǵyrý» baǵdarlamalyq maqalasynda bul bastamany basymdyq mindetterdiń biri retinde belgilegen bolatyn.
Qazir Qazaqstannyń tarihi jerleri tizimine 185 jalpyulttyq jáne 500 óńirlik deńgeidegi nysandar engizilgen.
