Týǵan jer» jobasy negizinde demeýshilik qarajaty esebinen 7 myńǵa tarta áleýmettik nysan salyndy. Bul týraly QR Prezidenti janyndaǵy Qoǵamdyq sanany jańǵyrtý baǵdarlamasyn iske asyrý jónindegi ulttyq komissiianyń keńeitilgen májilisinde Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«QR Tuńǵysh Prezidenti – Elbasy Nursultan Nazarbaevtyń «Bolashaqqa baǵdar: Rýhani jańǵyrý» atty maqalasynyń qoǵamdyq sanany jańǵyrtýdaǵy orasan zor ornyn barsha ziialy qaýym erekshe joǵary baǵalap keledi. Osy maqala negizinde «Rýhani jańǵyrý» atty keshendi baǵdarlama qabyldandy. Baǵdarlamany úilestiretin arnaýly Qoǵamdyq sanany jańǵyrtý baǵdarlamasyn iske asyrý jónindegi ulttyq komissiia quryldy. Baǵdarlama aiasynda aýqymdy jobalar tól mádenietimizdi, ulttyq dildi, qoǵamdyq sanany jańa ýaqyt talabynda beiimdep, altyg ózegine ainaldy», - dedi ministr.
Aida Balaevanyń aitýynsha, «Týǵan jer» jobasy negizinde demeýshilik qarajaty esebinen 7 myńǵa tarta áleýmettik nysan salyndy. Osy baǵytta óńirlik infraqurylym nysandaryn damytýǵa jalpy quny 280 mlrd teńgeni quraityn demeýshilik jasaldy. Jobaǵa 13 myńnan asa metsenat qatysty.
«Nátijesinde eldegi qaiyrymdylyq jáne metsenattyq mádenieti jańa serpin aldy deýge bolady», - dedi ol.
Ministrdiń atap ótýinshe, «Qasietti Qazaqstan» jobasy aiasynda jalpyulttyq mańyzy bar tanymal oryndar men nysandar tizilimi keńeitildi. Jalpyulttyq mańyzǵa ie 2 006 nysan, óńirlik mańyzǵa jatatyn 575 nysan anyqtalyp, elimizdiń kieli jerler kartasy men 2-tomdyq entsipklopediiasy shyqty. Respýblikanyń túkpir-túkpirinen 28 tarihi nysan qaita jańǵyrtýdan ótkizldi. Bozaq, Botai jáne jańartylǵan Saraishyq qoryq mýzeileri ashyldy.
«Qazaqstannyń kieli nysandaryn álemge tanytý maqsatynda VVS stýdiiasynyń qatysýymen «Qazaqstannyń kieli jerleriniń geografiiasy», «Altyn adam», «Qoja Ahmet Iassaýi men Aisha bibi keseneleri» týraly, «Kúltegin. Jańa kózqaras» filmderi túsirildi. Olar álemniń 6 tiline aýdarylyp, 700 mln-nan astam kórermeni bar VVS, Discovery, Viasat History, National Geographic telearnalarynda kórsetildi», - dedi Aida Balaeva.
