Qaraqat Ábildina Astana qalasyndaǵy Haziret Sultan meshitinde týǵan kúnin atap ótti. Ánshi óziniń tól merekesine óner áleminde qatar júrgen qyz-kelinshekterdi ǵana shaqyrǵan eken. Jelide taralǵan videoda ánshiler qaýymynyń týǵan kúndi ándetip qarsy alǵany anyq baiqalady. Bul jeli qoldanýshylarynyń narazylyǵyn týǵyzdy.
«Qudai úii sanalatyn meshitte án shyrqap, týǵan kún toilaýy durys pa? Eger ol jetim-jesir, jarly-jaqybailardy jinap as bergende quptaýǵa bolar edi. Al bul áreketin aqtaýǵa kelmeidi. Ataǵyn shyǵarý úshin meshitti qoldanyp otyr. Al mundai bassyzdyqqa meshit ákimshiligi nege ruqsat beredi?», – dep jazady áleýmettik jeli qoldanýshylary.
Meshit tórinde dúrkiretin ótkizgen týǵan kún keshine Qaraqat «Úmit kóktemi» degen ataý beripti.
