Janýar syilaý dástúrin toqtatý qajet. Bul týraly qalalyq mádeniet basqarmasynyń basshysy Nurlan Sydyqov aitty, dep habarlaidy QazAqparat.
«Týǵan kúnge arystannyń alanyn syilaý sánge ainaldy. 4 aidan soń oiynshyq kerek bolmai qalady. Ony qaida jiberedi? Osydan problema bastalady. Olardy kútip baǵý kerek. Ol bolmasa, janýar aýyra bastaidy. Adamdar janýarlardy óziniń jan raqaty nemese paida úshin ustaýdy doǵarýy kerek», - dedi N.Sydyqov Almaty zoobaǵynda ótken jiynda.
Basqarma basshysy búginnen bastap zoobaq eshqandai janýardy qoldan ári qujatsyz qabyldamaitynyn jetkizdi.
«Qujatsyz, ekpesiz, densaýlyǵy týraly resmi dáiektersiz eshqandai janýar endi zoobaqqa qabyldanbaidy. Buǵan deiin biz qujatsyz qabyldamaimyz degen kezde, qansha adam bizge narazylyq bildirgen bolatyn. Alaida, biz aiypty bolmas úshin endi eshbir janýar tiisti tártipsiz alynbaidy», - dedi Nurlan Sydyqov.
