Torǵai óńirinde dúniege kelip, keiin sheteldik otbasy asyrap alǵan Jánibekke qatysty jańa derek paida boldy, dep habarlaidy ult.kz.
Kznews.kz jazýynsha, Jánibek áleýmettik jelidegi paraqshasynda biologiialyq anasyn izdeý jumystarynyń jalǵasyp jatqanyn málimdedi. Onyń aitýynsha, qazirgi ýaqytta bul ispen resmi advokat ainalysyp jatqandyqtan, izdeý barysy týraly tolyq aqparat bere almaidy.
"Qazir anamdy izdeý týraly kóp nárse aita almaimyn. Óitkeni bul ispen resmi advokat ainalysyp jatyr. Biraq izdeýdi Amerikada jalǵastyrýymyz múmkin siiaqty", – dep jazdy ol.
Sonymen qatar Jánibek ózi týǵan perzenthanada basqa sábimen shatastyrylyp ketýi múmkin degen boljamyn aitty.
"Múmkin, meni týǵan perzenthanada amerikalyq otbasy asyrap alǵan basqa bir sábimen shatastyryp jibergen shyǵar. Bul týraly kelesi jazbalarymda tolyǵyraq aitamyn", – dedi ol.
Buǵan deiin Qazaq radiosy Jánibektiń biologiialyq anasy bolýy múmkin áiel týraly hat kelgenin habarlaǵan edi. Hatta kórsetilgen keibir derekter Jánibektiń týǵan ýaqyty men ómirbaianyna sáikes keletini aitylǵan.
Hat avtorynyń sózinshe, Mońǵoliiadan Arqalyq qalasyna oqýǵa kelgen áiel 2002 jyly ul bala dúniege ákelgen. Alaida stýdent bolǵandyqtan jáne qalada jaqyn týystary bolmaǵandyqtan, sábidi perzenthanada qaldyrýǵa májbúr bolǵan.
"Meniń týǵan qaiyn ápkem 2002 jyly Mońǵoliiadan Arqalyqqa oqýǵa kelgen. Sol kezde onyń aiaǵy aýyr bolǵan. Bul jaǵdaidy ol elde qalǵan ata-anasyna da aitpaǵan. Keiin Arqalyqta ul bala dúniege ákelip, jaǵdaiyna bailanysty perzenthanaǵa qaldyrǵan. Óz erkimen bas tartatyny týraly qolhat jazyp bergen", – delingen hatta.
Sondai-aq áiel qazir balasynyń taǵdyryn bilgisi keletini jáne Jánibekti kórgen saiyn ózine uqsatatyny aitylǵan.
"Ol Jánibekti áleýmettik jeliden nemese teledidardan kórgende ózine qatty uqsatady. Keide “Jánibek meniń balam ba?” dep oilaidy. Osyǵan bailanysty DNQ saraptamasyn tapsyrǵysy keledi", – dep jazylǵan habarlamada.
