Tý-154 ushaǵy apatynyń qalai bolǵany videomen kórsetildi, - dep habarlaidy L!FE.
Biikke kóterilgen sátte lainerdiń bir jaǵy tómenge qarai tarta bastaǵan, al borttyń ózi solǵa qisaiyp, teńizge qulaǵan. Qara teńizge qulaǵan Tý-154 ushaǵynyń bortynda ornalasqan dybys jazý qurylǵylary arqyly apattyń qalai bolǵanyn tolyqtai sýretteýge múmkindik týǵan. Grafikalyq makette ushaqtyń biikke kóterilgeni, keiin apatqa ushyraǵany kórinedi.
Eske salaiyq, RF Qorǵanys ministrliginiń ushaǵy jeksenbide, 25 jeltoqsanda tańǵy ýaqytta apatqa ushyraǵan bolatyn. Lainerdiń bortynda 92 adam bolǵan. Olardyń ishinde, Aleksandrov atyndaǵy ansambldiń 68 mýzykanty, BAQ-tardyń 9 ókili ("Zvezda" telearnasy, NTV jáne Pervyi kanal), alyp kele jatqan 6 adam jáne ekipajdyń 8 múshesi bar.
RIA Novosti málimetinshe, Tý-154 ushyp shyqqannan keiin jeti minýt ótkende apatqa ushyraǵan. Ushaq Qara teńizdiń Anapa jaǵalaýyna jaqyn mańda qulaǵan. Lainerdiń qirandysy bir jarym shaqyrymǵa shashylǵan, olar 50-100 metr tereńdikte. Osyǵan bailanysty 26 jeltoqsan - Reseide jalpyulttyq qaraly kún bolyp jariialandy.
