Mamandar Qara teńizge qulaǵan Tý-154 ushaǵynyń bortynda ornalasqan dybys jazý qurylǵysyndaǵy málimetti jariialady, - dep habarlaidy L!FE tergeýge qatysy bar derekkózge silteme jasap. Onyń aitýynsha, ekipaj ben kabina ishindegi daýystar jazbasy búlinbegen.
Mamandardyń aitýynsha, tótenshe jaǵdai ekipaj músheleri úshin kútpegen jaǵdai bolǵan - birinshi sekýndtarda eki ushqysh ta sasyp qalǵan, alaida tez esterin jinaǵan olar ushaqty aman alyp qalmaqshy bolǵan.
Jazylǵan dybystardy taldaýǵa shý kedergi bolǵan. Mamandardyń aitýynash, ekipaj músheleriniń aitqan keibir sózderi jeńil oqylady, alaida keibireýler, iaǵni eń mańyzdylary dabyl belgisiniń dybysynan estilmei qalýy múmkin.
Jazba:
- ...Jyldamdyq 300... (Túsiniksiz.)
- (Túsiniksiz.)
-Komandir, tireýlerdi aldym.
- (Túsiniksiz.)
- Ýh, e-moe!
(Qatty dybys shyǵady.)
- Jalǵasqanatsha, (...)!
- Biiktikti ólsheý qurylǵysy!
- Bizge... (Túsiniksiz.)
(Jerge jaqyndaý qaýiptiligin eskertetin dybys)
- (Túsiniksiz.)
- Komandir, biz qulap bara jatyrmyz!
Derekkóz málimetinshe, ekinshi qara jáshik Ortalyq ǵylymi zertteý institýtyna jetkizilmegen jáne onyń qashan tekseriletini belgisiz.
Tájiribeli ushqyshtardyń aitýynsha, eger jalǵasqanatshada aqaý bolsa, onda ony basqarý múmkin emes.
Roman Volkov - ushqyshtardyń biri
Eske salaiyq, RF Qorǵanys ministrliginiń ushaǵy jeksenbide, 25 jeltoqsanda tańǵy ýaqytta apatqa ushyraǵan bolatyn. Lainerdiń bortynda 92 adam bolǵan. Olardyń ishinde, Aleksandrov atyndaǵy ansambldiń 68 mýzykanty, BAQ-tardyń 9 ókili ("Zvezda" telearnasy, NTV jáne Pervyi kanal), alyp kele jatqan 6 adam jáne ekipajdyń 8 múshesi bar.
RIA Novosti málimetinshe, Tý-154 ushyp shyqqannan keiin jeti minýt ótkende apatqa ushyraǵan. Ushaq Qara teńizdiń Anapa jaǵalaýyna jaqyn mańda qulaǵan. Lainerdiń qirandysy bir jarym shaqyrymǵa shashylǵan, olar 50-100 metr tereńdikte. Osyǵan bailanysty 26 jeltoqsan - Reseide jalpyulttyq qaraly kún bolyp jariialandy.
